पुणे जिल्ह्यात जूनपासून भोर, बारामती, पुरंदर, आंबेगाव, जुन्नर, खेड या सहा तालुक्यांमधून टँकर सुरू होते. मात्र, सप्टेंबरच्या पावसामुळे परिस्थिती बदलली आणि पुरंदर तालुका वगळता अन्य पाच तालुक्यातील टँकर बंद करण्यात आले. परिणामी, जिल्ह्यात आजमितीला एकट्या पुरंदर तालुक्यात १२ टँकर सुरू आहेत, तर १२ टँकरने पुरंदर तालुक्यातील १० गावे आणि ६१ वाड्या वस्त्यांना पाणीपुरवठा केला जाणार आहे, अशी माहिती जिल्हा प्रशासनाकडून देण्यात आली.