म. टा. प्रतिनिधी, नागपूर: ओळखीचा फायदा घेत महिलेकडील दस्तऐवजाच्या आधारे बँकेत खाते उघडून तीन कोटींचा व्यवहार करण्यात आल्याची धक्कादायक घटना उघडकीस आली. याप्रकरणी पारडी पोलिसांनी सलमा सुजात अली (वय ३०), गजेंद्र अकनकर (वय ४२) आणि हर्षल नावाच्या युवकाविरुद्ध फसवणुकीचा गुन्हा दाखल केला आहे.
कांचन प्रभाकर मेश्राम यांच्या तक्रारीवरुन हा गुन्हा दाखल करण्यात आला. सायबर फसवणुकीसाठी भाड्याने घेतलेल्या बँक खात्यांचा वापर करण्यात येत असल्याचे काही दिवसांपूर्वीच जरीपटका भागात उघडकीस आले होते.
कांचन प्रभाकर मेश्राम यांच्या तक्रारीवरुन हा गुन्हा दाखल करण्यात आला. सायबर फसवणुकीसाठी भाड्याने घेतलेल्या बँक खात्यांचा वापर करण्यात येत असल्याचे काही दिवसांपूर्वीच जरीपटका भागात उघडकीस आले होते.
या बाबात अधिक माहिती अशी की, कांचन या सलमाला ओळखतात.फसवणूक करणारा गजेंद्र हा सलमाचा पती आहे. सलमाने पती व हर्षलाच्या मदतीने कांचन यांच्याकडून त्यांचे आधारकार्ड व अन्य दस्तऐवज घेतले. दहा हजार रुपये महिना देण्याचे आमिष दिले. या दस्तऐवजांच्या आधारे सलमाने आयसीआयसीआय बँकेत कांचन यांच्या नावे खाते उघडले. या खात्यातून सलमाने तीन कोटींचा व्यवहार केला.
दरम्यान, काही कारणाने बँकेने खाते गोठवून कांचन यांना नोटीस पाठवली. कांचन यांनी बँकेत चौकशी केली असता तीन कोटींचा व्यवहार झाल्याचे समोर आले. त्यानंतर कांचन यांनी पारडी पोलिसांत तक्रार केली. पोलिसांनी याप्रकरणी गुन्हा दाखल करून तपास सुरू केला आहे.
Read Latest Nagpur News And Marathi News