कोल्हापूर : कोल्हापुरातील वाठार येथे एक धक्कादायक घटना समोर आली आहे. एकतर्फी प्रेमातून बळजबरी एका २० वर्षीय युवतीवर बलात्कार करून तिचा गळा दाबून खून करण्यात आला आहे. या प्रकरणी संशयित सनी अरुण कांबळे (वय वर्ष २५, राहणार वाठार) यास पोलिसांनी ताब्यात घेतलं आहे.
याबाबत मिळालेली माहिती अशी की, कोल्हापुरातील वाठार येथे संशयित आरोपी सनी कांबळे याने एका २० वर्षीय तरुणीशी ओळख करून तिला वारंवार त्रास देण्यास सुरुवात केली. तसंच ९ ऑक्टोंबर रोजी रात्री ८ च्या सुमारास सदर पीडिता घरी जात असताना सनी कांबळेने तिला अडवले आणि मला तुझ्याशी बोलायचं आहे असे म्हणत निर्जण ठिकाणी घेऊन गेला. यावेळी दोघांत जोरदार वादही झाला. सनीने आधी तिच्यावर बलात्कार केला आणि त्यानंतर तिचा गळा आवळून खून केला. रविवारी १५ तारखेला संध्याकाळी एक शेतकरी वैरण आणण्यासाठी त्या भागात गेला असता त्याला युवतीचा अर्धनग्न अवस्थेतील कुजलेला मृतदेह आढळला.
याबाबत मिळालेली माहिती अशी की, कोल्हापुरातील वाठार येथे संशयित आरोपी सनी कांबळे याने एका २० वर्षीय तरुणीशी ओळख करून तिला वारंवार त्रास देण्यास सुरुवात केली. तसंच ९ ऑक्टोंबर रोजी रात्री ८ च्या सुमारास सदर पीडिता घरी जात असताना सनी कांबळेने तिला अडवले आणि मला तुझ्याशी बोलायचं आहे असे म्हणत निर्जण ठिकाणी घेऊन गेला. यावेळी दोघांत जोरदार वादही झाला. सनीने आधी तिच्यावर बलात्कार केला आणि त्यानंतर तिचा गळा आवळून खून केला. रविवारी १५ तारखेला संध्याकाळी एक शेतकरी वैरण आणण्यासाठी त्या भागात गेला असता त्याला युवतीचा अर्धनग्न अवस्थेतील कुजलेला मृतदेह आढळला.
या घटनेची माहिती वडगाव पोलिसांना कळताच पोलीस घटनास्थळी दाखल झाले. रात्र असल्याने दुसऱ्या दिवशी १६ तारखेला पोलीस बंदोबस्तात मृतदेहाचा पंचनामा करत मृतदेह उत्तरीय तपासणीसाठी कोल्हापूर येथील शासकीय रुग्णालयात पाठविण्यात आला. तर पोलिसांनी खुनाच्या अनुषंगाने तपास सुरू केला आणि तपासाची चक्रे गतिमान करत संशियत आरोपी सनी कांबळे याला काही तासांतच ताब्यात घेतले.
दरम्यान, आरोपीची कसून चौकशी केली असता त्याने खुनाची कबुली दिली. सदर संशयित हा यापूर्वी रेकॉर्डवरील गुन्हेगार असून त्याच्यावर काही महिन्यांपूर्वी वडगांव पोलिसांत गुन्हा दाखल करण्यात आला होता.