पोलीस ट्रकचा पाठलाग करत होते; चालकाने ब्रेक मारला आणि…; खासगी बसमधील चिमुकल्याने सांगितली आपबिती

मध्यरात्री झालेला अपघात एवढा भीषण होता की, या अपघातात प्रवाशांजवळील असणारे सर्व साहित्य रस्त्यावर अस्ताव्यस्त पडले होते. अपघात स्थळावरील दृष्य मन हेलावणारे होते. अपघातात जखमी झालेल्या चिमुकल्याने अपघाताची धक्कादायक आपबिती सांगितली. मागून येणाऱ्या ट्रकच्या मागे पोलीस लागले होते. त्या ट्रकने आम्हाला ओव्हरटेक करत अचानक ब्रेक मारल्याने अपघात झाल्याचे या चिमुकल्याने सांगितले.

समृध्दी महामार्गावरील अपघात हा मन हेलवणारा आहे. या अपघातात निष्पाप जीवांचा बळी गेला आहे. अपघाताची कारणे तपासून संबंधित दोषींवर कठोर कारवाई केली जाईल. या अपघातातील मृतांच्या नातेवाईकांना मुख्यमंत्री शिंदेंनी प्रत्येकी पाच लाख रुपये आर्थिक मदतीची घोषणा केली असून जखमींवर शासकीय खर्चाने योग्य ते उपचार करण्याचे निर्देश प्रशासनाला दिलेत. अपघातातील सर्व प्रवासी नाशिक परिसरातील आहेत. कुणाचाही जीव जाणार नाही यासाठी समृध्दी महामार्गावर उपाययोजना सरकार तर्फे केल्या जात आहेत. अपघाताचे राजकारण करण्यापेक्षा त्यावर उपाय काय केला जावू शकतो याकडे लक्ष असणे महत्वाचे असल्याचे भुसेंनी सांगितले आहे.

Read Latest Nashik News And Marathi News