Manoj Jarange Patil: फडणवीसजी, सदावर्ते तुमचा कार्यकर्ता, त्याला समज द्या; मनोज जरांगे पाटलांचं आवाहन
२ वर्ष जेलमधून बेसन खाऊन आलात, फडफड करू नका

आधी म्हणाले, आपला मराठा आरक्षणाला विरोध नाही. मग आपण त्यांच्यावर बोलायचं बंद केलं पण काल पुन्हा फडफड करायला लागले. काल म्हणाले- सभेसाठी सात कोटी खर्च आला, त्यांच्याकडे पैसे कुठून आले? मला त्यांना सांगायचंच आम्ही १०० एकर जमीन विकत घेतली नाही. सभेसाठी फक्त मैदान भाड्याने घेतलंय. मराठा बांधवांनी येण्याजाण्यासाठी गाड्या फुकट दिल्यात. लोक त्यांना पैसे देत नसतील पण १२३ गावांनी आजचा सगळा खर्च केलाय. ज्या गोरगरिब मराठ्याने त्यांना मोठं केलं, त्यांचंच रक्त पिऊन त्यांनी पैसा कमावला, म्हणून त्यांच्यावर धाड पडली. २ वर्ष जेलमधून बेसन खाऊन आलात आणि आम्हाला शिकवता- पैसे कुठून आले? त्यामुळे उपमुख्यमंत्री अजित पवार यांनी भुजबळ यांना समज द्यावी, असं जरांगे पाटील म्हणाले.

मी मराठ्यांच्या वेदना वाचतो, भुजबळांनी आरक्षणाला विरोध करु नये, येवल्यातून जरांगे पाटलांचा थेट इशारा
फडणवीसजी, गुणरत्न सदावर्ते यांना समज द्या

गुणरत्न सदावर्ते यांनी मराठ्यांचं वाटोळ केलं आहे. मराठा आरक्षणाविरोधात सदावर्ते कोर्टात गेले होते. त्यांनी आता मराठा समाजाविरोधात गरळ ओकू नये. सदावर्ते हे देवेंद्र फडणवीसांचा कार्यकर्ता असल्याचे सांगितले जाते. त्यामुळे फडणवीसांनी गुणरत्न सदावर्ते यांना समज द्यावी, असं आवाहन करताना मराठ्यांना अंगावर घेऊ नका, असा इशारा मनोज जरांगे पाटील यांनी दिला.