पिराजी मायगु चाचेरकर (४०, रा. गोकुळपेठ) असे या शिक्षकांचे नाव आहे. यापूर्वीही या शिक्षकाने इतर विद्यार्थिनींना देखील अशा प्रकारची मारहाण केल्याची माहिती पुढे आली. मात्र ते पोलिसांपर्यंत आली नाही. ते प्रकरण शाळेतच संपविण्यात आले होते. या घटनेनंतर पिडीत विद्यार्थिनीला तिचे पालक घरी घेऊन गेले. मात्र घरी गेल्यावरही तिचा कान दुखत असल्याने रडत होती. अखेर तिला रूग्णालयात नेण्यात आले. अखेर मुलीच्या आईने याप्रकरणी त्या शिक्षकाचा विरोधात सीताबर्डी पोलिसात तक्रार केली.

पोलिसांनी आरोपी शिक्षक चाचेरकर याच्या विरोधात अल्पवयीन न्याय (मुलांची काळजी व संरक्षण) कायद्याअंतर्गत गुन्हा नोंदविला असून पुढील तपास सुरू आहे. घडलेली घटना अतिशय गंभीर असून अशाप्रकारे विद्यार्थ्यांना मारहाण करणे आमच्या शिक्षण संस्थेची संस्कृती नाही. आरोपी शिक्षक जिल्हा परिषद शाळेतून अतिरिक्त (सरप्लस) झाल्याने २ वर्षांपूर्वी आमच्या संस्थेत रुजू झालेत. या शिक्षकाच्या विरोधात यापूर्वीही काही तक्रारी आल्या होत्या. त्याची चौकशी सुरू असतानाच हा प्रकार घडला आहे. याप्रकरणी योग्य ती कायदेशीर कारवाई केली जाईल, असे शाळा प्रशासनाकडून सांगण्यात आले.