अकोला: अकोला जिल्ह्यातून एक धक्कादायक बातमी समोर आली आहे, एका डॉक्टरनं राहत्या घरातील शौचलयामध्ये स्वतः हातावर आणि गळ्यावर चाकूनं वार करून आत्महत्या केली आहे. ही घटना आज दुपारी साडे तीन वाजताच्या सुमारास उघडकीस आली आहे. गजानन सुरेश बूआ उर्फ कुळकर्णी (वय ४०, राहणार चायना गेट जवाहर नगर परिसर, अकोला) असं आत्महत्या केलेल्या डॉक्टराचं नाव आहे. गजानन हे गेल्या काही दिवसांपासून आजारी होते, त्या आजाराला कंटाळूनच त्यांनी जीवन संपवलं असावं, अशी शक्यता कुटुंबीयांनी वर्तवली आहे. या प्रकरणी सिव्हिल पोलिस ठाण्यात आकस्मित मृत्यूची नोंद करण्यात आली असून पुढील तपास सुरू आहे.
मिळालेल्या माहितीनुसार, सिव्हिल लाईन पोलिस स्टेशन हद्दीतील जवाहर नगर परिसरातील चायना गेट भागातील एका अपार्टमेंटमध्ये गजानन सुरेश बूआ उर्फ कुळकर्णी हे सहकुटुंब वास्तव्यात होते. गजानन हे मूळ बीएचएमएस डॉक्टर असून समर्थ कोचिंग क्लासेसवर ‘नीट’च्या विद्यार्थ्यांना शिकवायचे. दरम्यान, गजानन हे अगदी प्रेमळ आणि शांत स्वभावाचे होते. काल मंगळवारी कुटुंबियांना कुणालाही न सांगता घरातून रागाच्या भरात निघून गेले. सायंकाळपर्यंत सर्वीकडे त्यांचा शोध घेण्यात आला. मात्र, कुटुंबीयांना कुठलाही सुगावा हाती लागला नाही. अखेर कुटुंबियांनी या संदर्भात सिव्हिल लाईन पोलिसांत त्यांची बेपत्ता असल्याची तक्रार नोंदवली गेली.
मिळालेल्या माहितीनुसार, सिव्हिल लाईन पोलिस स्टेशन हद्दीतील जवाहर नगर परिसरातील चायना गेट भागातील एका अपार्टमेंटमध्ये गजानन सुरेश बूआ उर्फ कुळकर्णी हे सहकुटुंब वास्तव्यात होते. गजानन हे मूळ बीएचएमएस डॉक्टर असून समर्थ कोचिंग क्लासेसवर ‘नीट’च्या विद्यार्थ्यांना शिकवायचे. दरम्यान, गजानन हे अगदी प्रेमळ आणि शांत स्वभावाचे होते. काल मंगळवारी कुटुंबियांना कुणालाही न सांगता घरातून रागाच्या भरात निघून गेले. सायंकाळपर्यंत सर्वीकडे त्यांचा शोध घेण्यात आला. मात्र, कुटुंबीयांना कुठलाही सुगावा हाती लागला नाही. अखेर कुटुंबियांनी या संदर्भात सिव्हिल लाईन पोलिसांत त्यांची बेपत्ता असल्याची तक्रार नोंदवली गेली.
घरी परतले आणि दुपारी उचलले टोकाचे पाऊल
२४ तासानंतर गजानन कुळकर्णी हे स्वतःहून आज बुधवारी सकाळी साडे दहा वाजता घरी परतले, आपण कुठे गेले होते, काय झालं? असे अनेक प्रश्न कुटुंबियांनी त्यांना विचारले. पण, त्यावर काही न बोलता गजानन हे शांतच बसले होते. गजानन घरी परतल्यानंतर सकाळी पत्नी आणि नवव्या वर्गात शिकणारा मुलगा त्यांच्यासह असे तिघे जण घरात होते. जेवण केल्यानंतर दुपारी तीन वाजताच्या सुमारास ते बाथरूमला जाण्यासाठी शौचलयामध्ये बराच वेळ झाल्यानंतर गजानन हे बाहेर आले नाही. त्यांच्या पत्नीने त्यांना हाक दिली. मात्र, आतून कुठलाही प्रतिसाद मिळाला नाही. शेजारच्याच्या मदतीने शौचालयाचा दरावाजा तोडण्यात आला. त्यानंतर आतील दृश्य पाहून पत्नींला धक्काच बसला.
झोपताना तोंडात साप शिरला, काढताना डॉक्टरही हादरले, VIDEO पाहून अंगावर काटा येईल
गळा कापून केली आत्महत्या
गजानन हे रक्तबंबाळ अवस्थेत दिसल्यानंतर लागलीच यासंदर्भात सिव्हिल लाईन पोलिस ठाण्यात माहिती देण्यात आली. ठाणेदारांसह वरिष्ठ पोलिस अधिकाऱ्यांनी या ठिकाणी भेटी दिल्या. घटनास्थळाचा पंचनामा करून गजानन यांचा मृतदेह वैद्यकीय तपासणीसाठी अकोल्याचे शासकीय रुग्णालयात पाठवण्यात आला. या घटने संदर्भात सिव्हिल लाईन पोलिस ठाण्यात कार्यरत असलेले सहाय्यक पोलिस निरीक्षक विजय चव्हाण यांनी दिलेल्या माहितीनुसार गजानन यांनी स्वतः हातावर आणि गळ्यावर चाक़ूने वार करून आत्महत्या केल्याचे समजते. वैद्यकीय अहवालानंतर सर्व बाबी स्पष्ट होणार असेही ते म्हणाले.
आजारपणातून आत्महत्या केल्याचा संशय
गजानन यांच्या मृतदेहाजवळ सुसाईड नोट आढळून आली नाही. ते सतत आजारी होते, त्यामुळे ते नेहमी तनावात राहायचे, अशा प्रकारची माहिती कुटुंबीयांनी पोलिसांना दिली आहे. तरीही त्यांच्या आत्महत्येचं मूळ कारण अद्यापपर्यंत समोर आलं नाही. पोलिस त्या दिशेनेही तपास करीत आहे.