म.टा. विशेष प्रतिनिधी, नागपूर : लोकसभा निवडणुकीसाठी प्रदेश काँग्रेस राज्यातील सर्व जागांचा संघटनात्मक व राजकीय स्थितीचा आढावा घेत आहे. या श्रुंखलेत उद्या गुरुवार, १२ ऑक्टोबर रोजी होणाऱ्या नागपूर विभागाच्या बैठकीत स्थानिक नेत्यांकडून सहाही मतदारसंघांसाठी आग्रही भूमिका मांडण्याचे संकेत मिळाले आहेत.
काँग्रेस प्रदेशाध्यक्ष नाना पटोले यांनी विभागनिहाय बैठकांचे सत्र सुरू केले. काँग्रेस समितीने उदयपूर चिंतन शिबिरातील निर्णयाच्या अंमलबजावणीचा आढावा प्रदेशच्या वतीने घेतला जाणार आहे. समन्वयक नाना गावंडे यांनी सर्व जिल्ह्यांशी संपर्क साधला आहे.
काँग्रेस प्रदेशाध्यक्ष नाना पटोले यांनी विभागनिहाय बैठकांचे सत्र सुरू केले. काँग्रेस समितीने उदयपूर चिंतन शिबिरातील निर्णयाच्या अंमलबजावणीचा आढावा प्रदेशच्या वतीने घेतला जाणार आहे. समन्वयक नाना गावंडे यांनी सर्व जिल्ह्यांशी संपर्क साधला आहे.
उद्या, गुरुवारी सकाळी १० वाजल्यापासून छोट्या ताजबागजवळील महाकाळकर सभागृहात जिल्हानिहाय बैठक होणार आहे. उदयपूर चिंतन शिबिरातील निर्णयांची स्थिती, मंडळ समित्या, बुथ प्रमुख, ग्राम समित्या, मतदार यादी, जिल्हा समितीच्या ठराव बुकची तपासणी आदी मुद्दे चर्चेत येणार आहेत. जिल्हानिहाय आढावा घेताना प्रत्येक जिल्ह्याला ४५ मिनिटांचा वेळ दिला आहे.
नागपूर शहराची बैठक सकाळी १० वाजता, तर ग्रामीणची बैठक १० वाजून ४५ मिनिटांनी होईल. यानंतर वर्धा, गोंदिया, गडचिरोली, भंडारा आणि चंद्रपूर शहर व ग्रामीणच्या बैठका होतील. बैठकीस विधानसभेतील विरोधी पक्षनेते विजय वडेट्टीवार, माजी केंद्रीय मंत्री विलास मुत्तेमवार, प्रदेश कार्याध्यक्ष कुणाल पाटील, माजी मंत्री डॉ. नितीन राऊत, सुनील केदार, सतीश चतुर्वेदी, अनिस अहमद, महिला अध्यक्ष संध्या सव्वालाखे यांच्यासह प्रत्येक जिल्ह्यातील सर्व पदाधिकारी, प्रभारी, आजी-माजी लोकप्रतिनिधी व मंडळ अध्यक्षांसह सर्व बुथ प्रमुखांना बोलावण्यात आले आहे.
राज्यात काँग्रेसचा एकमेव खासदार निवडून आला तरी, यावेळी पक्षाने जोरदार तयारी केली आहे. एकंदर राजकीय वातावरण तसेच, राष्ट्रवादी काँग्रेस आणि शिवसेनेतील फूट आणि स्थानिक पातळीवरील बळ लक्षात घेऊन पूर्व विदर्भातील एकही जागा उभय पक्षांना देऊ नये, अशी भूमिका काँग्रेसच्या बहुतांश नेत्यांनी व्यक्त केली. बैठकीतही अशाच प्रकारचा आग्रह धरण्याचे संकेत या नेत्यांनी दिले.
दिवंगत भाजप नेते लक्ष्मण जगतापांच्या निकटवर्तीयाचा नवा मार्ग, रोहित पवारांच्या उपस्थितीत पक्षप्रवेश
दावेदारांत वाढ
पूर्व विदर्भात राष्ट्रवादी काँग्रेस व शिवसेनेकडून (ठाकरे गट) प्रत्येकी एका जागेसाठी आग्रही भूमिका घेतली जाण्याची शक्यता आहे. शिवसेनेकडे रामटेक आहे. विद्यमान खासदार कृपाल तुमाने यांनी मुख्यमंत्री एकनाथ शिंदे यांना साथ दिली. त्यामुळे ठाकरे गटाकडून पूर्व विदर्भ संघटक सुरेश साखरे यांच्यासह अन्य इच्छुक सक्रिय झाले.
ठंडा कर के खाओ, राजस्थानातील ‘तिकीट’वाटपावर काँग्रेसचं धोरण, गहलोत समर्थकांची धाकधूक वाढली
दुसरीकडे रामटेकच्या जागेवर युवक काँग्रेसचे प्रदेशाध्यक्ष कुणाल राऊत यांनी दावा केला आहे. नागपुरात होणाऱ्या बैठकीच्या पार्श्वभूमीवर माजी पालकमंत्रीद्वय डॉ. नितीन राऊत व डॉ. सतीश चतुर्वेदी यांचे वाढदिवस अनुक्रमे सोमवार व मंगळवारी उत्साहात साजरे करताना समर्थकांनी छोटेखानी शक्तिप्रदर्शन केले. युवासेनेचे प्रमुख आदित्य ठाकरे यांनी नितीन राऊत यांच्याकडे भेट देऊन वाढदिवसाच्या शुभेच्छा दिल्या. त्यामुळे शिवसैनिकही संभ्रमात आले.