वन्यजीवनाला बाधा नाही

प्रस्तावित दोन्ही बोगदे प्रत्येकी ४.७० किमीचे असून अभयारण्य परिसरात त्याचा अंतर्गत व्यास १३ मीटरचा असेल. बोगद्यांमुळे अभयारण्यातील वन्यजीवन, जलाशय, वृक्षसंपदेला कोणतीही बाधा पोहोचणार नाही. कोणतेही भूसंपादन करावे लागणार नाही. बोगद्यांमध्ये हवा खेळती ठेवण्यासाठी वायूविजन यंत्रणा, आग प्रतिबंधात्मक यंत्रणा, तसेच पाणीपुरवठा, पर्जन्य जलवाहिन्या आणि इतर संस्थांच्या वाहिन्या विकसित करण्यात येणार आहेत. बोगद्याचे काम यंदाच्या ऑक्टोबरपासून सुरू होणार असून ते पाच वर्षे चालणार आहे.