म.टा. प्रतिनिधी, नागपूर: पहाटे मुसळधार पाऊस सुरू होता. सीताबर्डी परिसरात महापूर आला. पुरात अडकलेले माय-लेक मदतीसाठी आरडाओरड करायला लागले. बिनतारी संदेशयत्रेणवर या घटनेची माहिती आली. पोलिस अधिकारी तत्काळ घटनास्थळी पोहोचले. जिवाची पर्वा न करता पोलिस अधिकाऱ्याने खाकीचे कवच देऊन माय-लेकाचा जीव वाचविला. ज्ञानेश्वर भेदोडकर असे या अधिकाऱ्याचे नाव असून ते यशोधरानगर पोलिस स्टेशनचे वरिष्ठ पोलिस निरीक्षक आहेत.
सीताबर्डीत जानकी टॉकिज आहे. सध्या येथीलच एका खोलीत टॉकिजच्या संचालिका संगीता तिवारी या १६ वर्षीय मुलासह राहातात. शनिवारी पहाटे टॉकिजला पुराच्या पाण्याने वेढा दिला. नाल्यातील पाणीही टॉकिजमध्ये जमा झाले. संगीता यांनी मदतीसाठी मोबाइलवरून पोलिस नियंत्रण कक्षाशी संपर्क साधला. नियंत्रण कक्षाने धंतोली पोलिसांना माहिती दिली. हा कॉल भेदोडकर यांनी ऐकला. तेही जानकी टॉकिजच्या दिशेने निघाले. तोपर्यंत धंतोली पोलिस स्टेशनच्या महिला साहाय्यक निरीक्षक मंगला वाकडे आणि त्यांचे सहकारी तेथे पोहोचले. काही मिनिटांतच भेदोडकरही तेथे आले.
सीताबर्डीत जानकी टॉकिज आहे. सध्या येथीलच एका खोलीत टॉकिजच्या संचालिका संगीता तिवारी या १६ वर्षीय मुलासह राहातात. शनिवारी पहाटे टॉकिजला पुराच्या पाण्याने वेढा दिला. नाल्यातील पाणीही टॉकिजमध्ये जमा झाले. संगीता यांनी मदतीसाठी मोबाइलवरून पोलिस नियंत्रण कक्षाशी संपर्क साधला. नियंत्रण कक्षाने धंतोली पोलिसांना माहिती दिली. हा कॉल भेदोडकर यांनी ऐकला. तेही जानकी टॉकिजच्या दिशेने निघाले. तोपर्यंत धंतोली पोलिस स्टेशनच्या महिला साहाय्यक निरीक्षक मंगला वाकडे आणि त्यांचे सहकारी तेथे पोहोचले. काही मिनिटांतच भेदोडकरही तेथे आले.
पहिल्या माळ्यावरून माय-लेक मदतीसाठी आरडाओरड करीत होते. पाच फूट पाणी साचले होते. भेदोडकर यांनी हिंमत केली. कमरेला दोर बांधून ते कसेबसे पहिल्या माळ्यावर गेले. दोघांचा हात पकडून बाहेर आले. दहा फूट भिंतीवरून कसेबसे दोघांना प्रवेशद्वाराजवळ आणले. त्यानंतर अन्य सहकाऱ्यांनी दोरीच्या मदतीने तिघांनाही बाहेर काढले. यादरम्यान संगीता खाली पडल्या. भेदोडकर यांनी लगेच त्यांना वर ओढल्याने अनर्थ टळला. याचदरम्यान पोलिस उपायुक्त श्रवण दत्तही तेथे पोहोचले. त्यांनी भेदोडकर यांच्या हिमतीला सलाम ठोकला.