म. टा. प्रतिनिधी, नाशिक: पार्टटाइम ऑनलाइन व्यवसायासाठी क्रिप्टो करन्सीमध्ये गुंतवणूक केल्यास नफा देण्याचे आमीष दाखवून तरुण इंजिनीअरची फसवणूक झाल्याचे उघड झाले आहे. २४ लाख २५ हजार रुपयांचा गंडा घातल्याप्रकरणी संशयितांच्या टेलिग्राम आयडीसह खासगी बँकेच्या खातेक्रमांक धारकांवर गुन्हा दाखल करण्यात आला आहे.
पंचवटी परिसरातील अयोध्यानगरी भागात राहणारा २६ वर्षीय तरुण पुणे शहरात काम करीत होता. या तरुणाचे वडील सैन्यदलात कार्यरत होते. त्यांच्या निधनामुळे अनुकंपा अंतर्गत तरुणाला सैन्यात नोकरी लागणार होती. तोपर्यंत व्यवसाय करण्याचा त्याचा मानस होता. त्यातूनच २६ ते ३१ ऑगस्ट २०२३ या कालावधीत टेलिग्रामवरून संपर्क साधत चोरट्यांनी ऑनलाइन व्यवसायाबाबत माहिती दिली. त्यामध्ये गुंतवणूक करण्यासाठी टप्प्याटप्प्याने तरुणाकडून २४ लाख २५ हजार पाचशे रुपये विविध खात्यांवर ई-स्वरूपात घेतले. त्यानंतरही व्यवसाय सुरू न झाल्याने, तसेच अपेक्षित नफा न मिळाल्याने तरुणाने सायबर पोलिसांत तक्रार दिली. तक्रारीच्या तपासाअंती सायबर पोलिसांनी संशयितांवर फसवणुकीसह आयटी ॲक्टअंतर्गत गुन्हा दाखल केला आहे. वरिष्ठ पोलिस निरीक्षक रियाज शेख याप्रकरणी तपास करीत आहेत.
पंचवटी परिसरातील अयोध्यानगरी भागात राहणारा २६ वर्षीय तरुण पुणे शहरात काम करीत होता. या तरुणाचे वडील सैन्यदलात कार्यरत होते. त्यांच्या निधनामुळे अनुकंपा अंतर्गत तरुणाला सैन्यात नोकरी लागणार होती. तोपर्यंत व्यवसाय करण्याचा त्याचा मानस होता. त्यातूनच २६ ते ३१ ऑगस्ट २०२३ या कालावधीत टेलिग्रामवरून संपर्क साधत चोरट्यांनी ऑनलाइन व्यवसायाबाबत माहिती दिली. त्यामध्ये गुंतवणूक करण्यासाठी टप्प्याटप्प्याने तरुणाकडून २४ लाख २५ हजार पाचशे रुपये विविध खात्यांवर ई-स्वरूपात घेतले. त्यानंतरही व्यवसाय सुरू न झाल्याने, तसेच अपेक्षित नफा न मिळाल्याने तरुणाने सायबर पोलिसांत तक्रार दिली. तक्रारीच्या तपासाअंती सायबर पोलिसांनी संशयितांवर फसवणुकीसह आयटी ॲक्टअंतर्गत गुन्हा दाखल केला आहे. वरिष्ठ पोलिस निरीक्षक रियाज शेख याप्रकरणी तपास करीत आहेत.
चार लाख गोठविले
तरुणाने सायबर पोलिसांत तक्रार अर्ज दाखल करताच पोलिसांनी त्वरित संशयितांची ऑनलाइन माहिती व बँकेच्या खातेक्रमांकावरून पुढील कारवाई केली आहे. त्यामध्ये २४ लाखांपैकी ४ लाख रुपये गोठविणे तपासात शक्य झाले. उर्वरित पैशांच्या परताव्यासाठी पथक प्रयत्नशील असल्याचे पोलिस निरीक्षक रियाज शेख यांनी सांगितले.
माजी सैनिकाला फसविले
फॉरेक्स मार्केटमध्ये गुंतवणूक केल्यास अधिक परतावा देण्याचे आमीष दाखवत माजी सैनिकाला फसविल्याचा प्रकार ओझर मिगमध्ये समोर आला आहे. १६ लाख ८२ हजार ७९७ रुपयांचा गंडा घातल्याप्रकरणी चार मोबाइल क्रमांकधारकांवर फसवणुकीचा गुन्हा दाखल करण्यात आला आहे. याबाबत मंगेश कारभारी रहाणे (४१, रा. अमृतनगर, ओझरमिग) यांनी फिर्याद दिली आहे. त्यावरून नाशिक ग्रामीणचे सायबर पोलिस पुढील तपास करीत आहेत.