मंडळाच्या कार्यकर्त्यांनी दिलेल्या माहितीनुसार ही घटना आज सकाळच्या सुमारास घडली असून काल रात्रभर मंडपात नागरिकांची मोठी गर्दी होती यामुळे रात्री मंडळातील कार्यकर्ते मंडपातच झोपले होते. सकाळ झाल्यानंतर कार्यकर्ते आंघोळीसाठी घरी गेले यावेळी चोरट्याने संधी साधत दिवसाढवळ्या गणेश मूर्तीवरील अर्धा किलो चांदीचा हार लंपास केला. कार्यकर्ते आंघोळ करून मंडपात आल्यानंतर हा प्रकार त्यांच्या निदर्शनास आला आणि त्यांनी त्वरित जुना राजवाडा पोलीस यांना संपर्क करत घडलेल्या घटनेची माहिती दिली. पोलिसांनी घटनास्थळी येऊन पंचनामा करत परिसरातील सीसीटीव्ही कॅमेराच्या आधारे चोरट्याचा शोध पोलिसांनी सुरू केला आहे. विशेष म्हणजे गेल्या वर्षी देखील याच परिसरातून दागिने चोरी झाल्याची घटना समोर आली होती.