नागपूर : बांधकाम सुरू असलेल्या निर्माणधीन पुलाची सळई घुसल्याने दुचाकीवर आई वडिलांसोबत जात असलेल्या तीन वर्षांच्या चिमुरड्याच्या अपघात झाला होता. ही धक्कादायक घटना नागपूर शहरातून समोर आली आहे. डॉक्टरांनी शस्त्रक्रिया करून सळई बाहेर काढून मुलाचा जीव वाचवला. केवळ दैव बलवत्तर म्हणून या चिमुकल्याचा जीव वाचला असून मुलाची प्रकृती स्थिर असल्याचे सांगण्यात येत आहे. या प्रकरणी पोलिसांनी ठेकेदाराविरुद्ध गुन्हा दाखल केला असून पोलीस अधिक तपास सुरू केला आहे.
मिळालेल्या माहितीनुसार नागपूर शहरातील पारडी परिसरात एका ३ वर्षाच्या मुलाच्या डोक्यात सळई घुसल्याची घटना घडली होती. सात दिवसांपूर्वी एच.बी. दुपारी पारधी कुटुंब पारडीच्या दिशेने जात असताना वडील दिनेश पारधी आई रजनी आणि तीन वर्षाचा मुलगा चार्विक मोटारसायकलवरून जात होते. दरम्यान, उड्डाणपुलाचं बांधकाम सुरू असताना सळई खाली पडली आणि थेट मुलाच्या डोक्यात गेली.
मिळालेल्या माहितीनुसार नागपूर शहरातील पारडी परिसरात एका ३ वर्षाच्या मुलाच्या डोक्यात सळई घुसल्याची घटना घडली होती. सात दिवसांपूर्वी एच.बी. दुपारी पारधी कुटुंब पारडीच्या दिशेने जात असताना वडील दिनेश पारधी आई रजनी आणि तीन वर्षाचा मुलगा चार्विक मोटारसायकलवरून जात होते. दरम्यान, उड्डाणपुलाचं बांधकाम सुरू असताना सळई खाली पडली आणि थेट मुलाच्या डोक्यात गेली.
पारडी नागनदी पुलावर उड्डाणपुलाचे काम सुरू होते. मोटारसायकलवरून जात असलेल्या पारधी दाम्पत्यासह मध्यभागी बसलेल्या तीन वर्षीय चार्विकच्या डोक्यावर लोखंडी सळई पडली. या घटनेत डोक्याच्या मध्यभागी लोखंडी सळई अडकली. त्यामुळे त्यांचा तोल जाऊन मोटारसायकलवरून जाणारे दाम्पत्य रस्त्यावर पडले.
मुलाच्या डोक्यावर सळई अडकल्याने मुलासह मुलाचे आई-वडील आरडाओरडा करू लागले.निरागस चार्विकला वेदना होऊ लागल्या. या घटनेनंतर मुलाला तातडीने रुग्णालयात दाखल करण्यात आले. डॉक्टरांनी शस्त्रक्रिया करून डोक्यातील सळई काढली असून सध्या बाळाची प्रकृती स्थिर असल्याचे सांगण्यात येत आहे.
अजितदादा गटाकडून आमच्या आमदारांचं ब्लॅकमेलिंग होतंय, रोहित पवारांचा गंभीर आरोप
दुसरीकडे कंत्राटदार कंपनीच्या जबाबदार अधिकाऱ्यांना घटनास्थळी बोलावण्यात आले होते, त्यांच्याविरुद्ध पोलिसात गुन्हा दाखल करण्यात आला आणि कंपनीवर मुलाच्या उपचाराचा संपूर्ण खर्च उचलण्यासाठी दबाव टाकण्यात आला. उपचारासाठी माजी नगरसेवक पुरुषोत्तम हजारे आणि शिवसेना उद्धव ठाकरे गटाच्या वतीने उपजिल्हाप्रमुख यशवंत गुड्डा रहांगडाले यांच्या सहकार्याने पीडित दाम्पत्याला एक लाख रुपयांची आर्थिक मदत करण्यात आली असून ठेकेदारावर कडक कारवाई करण्याची मागणी केली जात आहे.
अजितदादांचं मिशन मुस्लिम…. आरक्षण, महामंडळाला निधी अन् बरंच काही, एका बैठकीत अनेक विषय मार्गी!