अनंत साळी, जालना: जालना जिल्ह्याच्या परतूर शहरातल्या इंदिरा नगर भागात एका पत्र्याच्या घरात राहणाऱ्या बांधकाम मजुराच्या मुलाने देशातील नामांकित तंत्रज्ञान संस्था आयआयटी मुंबई येथून रजत पदक मिळविले आहे. अंबादास बंडू म्हस्के असे या युवकाचे नाव आहे. परतूर शहरातील आंबा रोडवर असणाऱ्या इंदिरानगर झोपडपट्टी भागात तो आपल्या भावंडांसमवेत राहतो.घरात मोजक समान,भाजीपाल्याच्या क्रेट वर फळ्या टाकून त्याचा टेबल म्हणून वापर अभ्यासासाठी करणाऱ्या या मुलांचा सांभाळ वृध्द आजी करते. आई वडील दोघेही मुंबई येथे बांधकाम मजूर म्हणून काम करतात. एम.टेक तंत्रज्ञान आणि विकास’ या विषयात त्याने सरस कामगिरी करत हे पदक मिळविले आहे. आयआयटी मुंबईच्या पदवीदान समारंभात नुकत्याच त्याचा सन्मान करण्यात आला.विशेष म्हणजे पदवी मिळण्यापूर्वीच जपानच्या नामांकित होंडा कंपनीत त्याला ४९ लाख रुपयांच्या पॅकेजची नोकरी देखील मिळाली आहे.
येत्या २९ सप्टेंबर रोजी तो जपानला जाणार असून १ ऑक्टोबर पासून नोकरीवर रुजू होणार आहे.त्याचा व्हिसा देखील कंपनीने नुकताच पाठवला आहे.झोपडपट्टीत राहणाऱ्या,आर्थिक परिस्थिती अत्यंत हालाकीची असणाऱ्या आंबादासने जिद्द,मेहनत, चिकाटी आणि आत्मविश्वासाच्या जोरावर मिळवलेल्या यशाबद्दल सर्वत्र त्याचे कौतुक केले जात आहे. त्याने यशाला घातलेली ही गवसणी असंख्य अडथळ्यांची असली तरी प्रयत्न,जिद्द, परिश्रमाचा बळावर त्याने मोठी भरारी घेतली हे विशेष.
येत्या २९ सप्टेंबर रोजी तो जपानला जाणार असून १ ऑक्टोबर पासून नोकरीवर रुजू होणार आहे.त्याचा व्हिसा देखील कंपनीने नुकताच पाठवला आहे.झोपडपट्टीत राहणाऱ्या,आर्थिक परिस्थिती अत्यंत हालाकीची असणाऱ्या आंबादासने जिद्द,मेहनत, चिकाटी आणि आत्मविश्वासाच्या जोरावर मिळवलेल्या यशाबद्दल सर्वत्र त्याचे कौतुक केले जात आहे. त्याने यशाला घातलेली ही गवसणी असंख्य अडथळ्यांची असली तरी प्रयत्न,जिद्द, परिश्रमाचा बळावर त्याने मोठी भरारी घेतली हे विशेष.
आई वडिलांनी परतूरला शिक्षणासाठी ठेवलं
अंबादास ने १० वी जालना जिल्ह्याच्या परतूर शहरातील जिल्हा परिषद प्रशाला तर १२ वीचे शिक्षण परतूरच्याच लाल बहादुर शास्त्री महाविद्यालयातून पूर्ण केले. आई-वडील बांधकाम मजूर असल्याने जिथे बांधकाम साईट असेल तेथून जवळ असणाऱ्या सरकारी शाळेत अंबादासचे प्राथमिक शिक्षण पूर्ण झाले. आपल्या नशिबी जे दारिद्र्य आले ते आपल्या मुलांच्या नशिबी येऊ नये, यासाठी त्याच्या आई- वडिलांनी त्यालाच नाही तर त्याचा लहान भाऊ आणि बहीण यांना शाळेत घातले. बांधकामासाठी म्हस्के कुटुंबाला सतत शहर बदलावे लागे. प्रसंगी हे कुटुंब पत्र्याच्या शेडमध्येही राहत असे. काम बदलले की राहण्याचे ठिकाणही बदलत असे. याचा परिणाम मुलांच्या शाळेवर होऊ नये, यासाठी आई सुनीता यांनी तिघा मुलांना परतूर येथे आजी-आजोबांकडे पाठवले.
अंबादासचे प्राथमिक शिक्षण नवी मुंबई आणि पुणे येथील महापालिकेच्या शाळेत झाले. पुढे त्याने सातवी ते दहावीपर्यंतचे शिक्षण जिल्हा परिषद शाळेतून पूर्ण केले. आठवीत असताना ‘एनएमएमएस’ स्पर्धा परीक्षेत तो जालना जिल्ह्यामधून दुसरा आला. त्याला त्याच्यातील वेगवेगळ्या गुणांची पारख होऊ लागली आणि त्याचा आत्मविश्वास वाढला. आयएमओ, आयपीएम, एनएसओ, आयईओ, एनएसटीएसटीई, एमटीएसई, एनटीएसई, एनएमएमएस, जेटीएसआई, ऑलिम्पियाड्स, होमी भाभा अशा परीक्षेला सामोरे गेला.शाळेतील शिक्षकांनीही त्याला जमेल ती मदत केली असंही अंबादास आवर्जून सांगतो.
आई वडिलांकडे पाहून पुन्हा उभा राहिला
२०१५ मध्ये तो ९२.२० टक्के गुण घेऊन दहावी उत्तीर्ण झाला.२०१७ मध्ये परतूर येथील लालबहादूर शास्त्री कनिष्ठ महाविद्यालयातून ८५.८४ टक्के गुण घेऊन त्याने बारावी उत्तीर्ण केली.१२ वी नंतर पुण्यातील कॉलेज ऑफ इंजिनिअरिंगमध्ये त्याला नगररचना या विषयात बी.टेकला प्रवेश मिळाला.कॉलेजमध्ये असताना मोडकेतोडके इंग्लिश,स्वतःबद्दलचा असलेला न्यूनगंड,घरची बिकट परिस्थिती यामुळे काही अंशी त्याचा आत्मविश्वास ढासळला, पण त्याने जिद्द सोडली नाही.आई-वडिलांकडे बघून पुन्हा उभा राहिला. कुठल्याही कोचिंगशिवाय त्याने आयआयटी प्रवेश परीक्षेची तयारी केली. यासाठी प्रा.वैशंपायन आणि प्रा.ओंकार परिशवाड यांच्या मदतीने आयआयटीची तयारी केली.
तंत्रज्ञान आणि विकास अभ्यासक्रमासाठी आयआयटी मुंबईत त्याची निवड झाली.कमवा शिका योजना,राजर्षी शाहू महाराज शिष्यवृत्ती योजना आणि अलुमनी शिष्यवृत्ती याची त्याला शिक्षणात मदत झाली.त्यानंतर त्याने कधीच मागे वळून बघितले नाही, परिस्थितीचा बाऊ केला नाही.पैसे नाही म्हणून रडत, कुढत बसला नाही.मशीन लर्निंग,जीआयएस, स्टॅटिस्टिक्स हे अभ्यासक्रमही त्याने पूर्ण केले.१ डिसेंबर २०२२ ला त्याची कॅम्पस प्लेसमेंटमधून होंडा संशोधन आणि विकास कंपनीमध्ये डेटा विश्लेषक म्हणून निवड झाली.ऑगस्ट २०२३ मध्ये त्याने रौप्य पदकासह आयआयटी पूर्ण केले. आता २९ सप्टेंबरला तो जपानला नोकरीसाठी जाणार आहे आणि १ ऑक्टोबर पासून आपल्या नव्या जॉब साठी रुजू होत आहे.
मोहब्बत की दुकान..! राहुल गांधी दानिश अलींच्या भेटीला, कालच्या प्रकरणावर बसपा खासदार स्पष्टपणे म्हणाले…
अंबादास म्हणतो जिद्द चिकाटी आवश्यक
आपल्या यशाचे गमक सांगताना त्याला आर्थिक, मानसिक पाठबळ देणाऱ्या परिवार,मित्र मैत्रीण व गुरुजनांचा अंबादास विशेष उल्लेख करतो.तुम्ही स्वतःवर विश्वास ठेवा, कोणतीही अडचण तुम्हाला यशापासून दूर ठेवू शकत नाही.परिश्रम, जिद्द, चिकाटी मात्र आवश्यक आहे.माझे यश हे एकट्याचे नाही. कायम सकारात्मक ऊर्जा देणारे आई-वडील, आजी-आजोबा,भाऊ-बहीण,माझे शिक्षक, मित्र-मैत्रिणी या सगळ्यांचे हे यश आहे असे भरभरून सांगतो.माझ्या मुलाने जे यश संपादन केले,त्यामुळे आम्हा सर्वांची मान गर्वाने उंचावली आहे.त्याने आमच्या कुळाचा उद्धार केला.आम्ही सर्व त्याच्या पाठीशी सतत होतो अशा भावना अंबादासचे आई वडील आणि आजी व्यक्त करतात.
Chandrayaan 3 :विक्रम लँडर अन् प्रज्ञान रोवरशी संपर्क करण्याचे प्रयत्न सुरु, इस्त्रोनं दिलेली अपडेट नेमकी काय?