अर्ज प्राप्त झाल्यावर त्यांची छाननी करून त्या त्या पदांसाठी परीक्षा केव्हा घ्यायची याचे नियोजन आयबीपीएस कंपनी करणार आहे. येत्या दोन ते तीन महिन्यात ही प्रक्रिया पूर्ण होईल असे मानले जात आहे. छत्रपती संभाजीनगर शहरासह पुणे, ठाणे, मुंबई, नाशिक आणि नागपूर या शहरांमध्ये लेखी परीक्षा घेतली जाणार आहे. त्या त्या भागातील उमेदवारांना परीक्षेसाठी छत्रपती संभाजीनगरपर्यंत येण्याची वेळ येऊ नये म्हणून हा निर्णय घेण्यात आला आहे. १९८२ नंतर होत असलेल्या या भरती प्रक्रियेबद्दल सर्वच स्तरात उत्सुकता आहे.

या पदांवर होणार भरती:

कनिष्ठ अभियंता (स्थापत्य) -२६

कनिष्ठ अभियंता (यांत्रिकी)-०७

कनिष्ठ अभियंता (विद्युत)-१०

लेखापरिक्षक-०१

लेखापाल-०२

विद्युत पर्यवेक्षक-०३

अभियांत्रिकी सहाय्यक-१३

स्वच्छता निरिक्षक-०७

पशुधन पर्यवेक्षक-०२

प्रमुख अग्निशमन अधिकारी-०९

अग्निशमन अधिकारी-२०

कनिष्ठ लेखापाल-०२

लेखा विभाग लिपिक-०५

४०० पदांसाठी प्रस्ताव

महापालिकेने आता नव्याने चारशे पदांसाठी शासनाला प्रस्ताव पाठवण्याचा निर्णय घेतला आहे. निवृत्त होणाऱ्या अधिकारी-कर्मचाऱ्यांची संख्या आणि त्यामुळे वाढणाऱ्या रिक्त पदांचा दैनंदिन कामकाजावर परिणाम होत असून शासनाने किमान चारशे पदांवर नोकर भरती करण्याची परवानगी द्यावी अशी विनंती पालिका करणार आहे. ही विनंती करताना मालमत्ता कर आणि पाणीपट्टीच्या माध्यमातून उत्पन्न वाढवण्याचा पालिकेचा प्रयत्न असेल असे शासनाला कळवण्यात येणार आहे.

समृद्धी महामार्गावर आणखी एक अपघात, जनावर आडवं आल्याने कार उलटली, फेन्सिंग नव्हतं?