दरम्यान मिठबांवचे सरपंच भाई नरे यांना मसवी येथे व्हॅगनार गाडीचा अपघात झाला आहे. असा फोन आल्यावर ते आपल्या सहकाऱ्यांसमवेत गाडी घेऊन त्या ठिकाणी गेले. यावेळी मुणगे मसवी रस्त्यावर व्हॅगनार गाडी उभी असल्याचे त्यांना दिसले. त्यांनी गाडीचा नंबर पाहिल्यावर ही गाडी मिठबांव येथील तात्या लोके यांची असल्याचे लक्षात आले. गाडीमध्ये त्यांनी पाहिले असता प्रसाद लोके हा रक्तबंबाळ अवस्थेत उलट्या स्थितीत पडलेला दिसला. त्याच्या डोक्यावर मागून धारदार शस्त्राने वार केल्याचे दिसले. त्यानंतर त्यांनी देवगड पोलीस स्टेशनला याबाबत माहिती दिली.

देवगड पोलीस स्टेशनचे पोलीस निरिक्षक निळकंठ बगळे हे सहकाऱ्यांसमवेत घटनास्थळी दाखल झाले. यावेळी गाडीत उलट्या स्थितीत हत्या करून टाकलेल्या प्रसाद याचा मृतदेह गाडीतून बाहेर काढण्यात आला. प्रसादच्या डोक्यावर, अंगावर धारदार शस्त्राने वार करून त्याचा निर्घृण हत्या केल्याचे निदर्शनास आले. याबाबतची माहिती समजताच पोलीस उपविभागीय अधिकारी किशोर सावंत यांनी घटनास्थळी भेट दिली. घडलेल्या घटनेची माहिती घेतली. यावेळी त्यांच्यासमवेत देवगड पोलीस निरीक्षक निळकंठ बगळे, पोलीस उपनिरिक्षक सुधीर कदम, पोलीस हवालदार राजन जाधव, प्रसाद आचरेकर, स्वप्नील भोवर, स्वप्नील ठोंबरे तसेच फॉरेन्सिक लॅबचे पथक आणि डॉग स्कॉडही दाखल झाले होते.
ऐकावे ते नवलचं…! आधी पाहणी करायचा; नंतर मंदिरात जायचा, अन् मौजमजेसाठी करायचा धक्कादायक कृत्य
मयत प्रसाद हा विवाहित असून चार वर्षापुर्वीच त्याचा विवाह झाला होता. घरी पत्नी आणि आई वडील यांच्यासमवेत तो राहत होता. त्याचे वडील परशुराम उर्फ तात्या लोके हे मिठबांव ग्रामपंचायत सदस्य असून प्रसाद हा मनमिळावू आणि शांत स्वभावाचा युवक होता. त्याचा निर्घृण हत्येने मिठबांवसह देवगड तालुका हादरला असून त्याच्या हत्येमागचे नेमके कारण समजू शकले नाही.