डोंबिवली : डोंबिवली धक्कादायक प्रकार समोर आला आहे. एका १५ वर्षीय अल्पवयीन मुलीला लग्नाचे आमिष दाखवून एका १८ वर्षीय तरुणाने तिच्यावर लैंगिक अत्याचार केल्याची घटना उघडकीस आली आहे. पीडित मुलीने तरुणास नंतर भेटण्यास नकार देतात तरुणाने तिचे अश्लील छायाचित्रे आई वडिलांना दाखवण्याची धमकी देत तिच्यावर अत्याचार केले आहेत. तरुणाचा छळ वाढल्याने अखेर पीडित मुलीच्या पालकांनी रामनगर पोलीस ठाण्यात तरुणाविरुद्ध बुधवारी तक्रार दाखल केली आहे. पोलिसांनी पोक्सो अंतर्गत गुन्हा दाखल करत तपास सुरू केला आहे.

पोलिसांच्या माहितीनुसार पीडित मुलीची मैत्रिणीच्या माध्यमातून तरुणाशी ओळख झाली होती. या ओळखीतून त्यांचे पुढे भेटणे, बोलणे वाढले होते. डिसेंबर २०२२ मध्ये तरुणाने मुलीला घरी बोलावून तिच्यासोबत लग्नाची इच्छा व्यक्त करत तिच्या इच्छेविरुद्ध तिच्यावर लैंगिक अत्याचार केला. जानेवारी २०२३ पर्यंत तरुण पीडितेवर अत्याचार करत होता. मात्र मुलाची वर्तवणूक चांगली नसल्याचे त्याच्या नातेवाईकाने पीडितेला सांगितले. त्यानंतर पीडितेने त्याच्या बरोबरचे बोलणे बंद केले होते. तरीही तो जबरदस्तीने मोबाईलवर संपर्क साधून पीडितेला घरी येण्यास जबरदस्ती करत होता. तू आली नाहीस तर तुझे अश्लील फोटो आई वडिलांना दाखवेल अशी धमकी देत होता. यानंतर मुलीने हा प्रकार घरी आईला सांगितला.

मुलीच्या आईने मुलाच्या पालकांना संपर्क करून समज देण्याची मागणी केली. मात्र तरीही तरुण मुलीला त्रास देत असल्याने व पुढे हा त्रास वाढू लागल्याने पीडित मुलीच्या आईने रामनगर पोलीस ठाणे गाठत बुधवारी तक्रार दाखल केली. दाखल तक्रारीवरून पोलिसांनी बाललैंगिक अत्याचार कायद्याने तरुणाविरुध्द गुन्हा दाखल केला आहे.

पती पत्नीनं बनावट स्क्रीनशॉटद्वारे तब्बल ४०० जणांना घातला गंडा, सापळा रचून पोलिसांनी केली अटक