मुंबई : ‘आई ही तिच्या नैसर्गिक प्रेम व मायेपोटी आपल्या मालमत्तांचे मुलांकडे हस्तांतरण करत असते. त्याबदल्यात मुलांनीही आईचा सांभाळ करणे अभिप्रेत आहे आणि ते त्यांचे कर्तव्य आहे. ते आईला वाऱ्यावर सोडू शकत नाहीत. तिला स्वत:च्याच घरात राहू न देणे म्हणजे तिच्या मूलभूत हक्कांचाच भंग आहे’, असे निरीक्षण नोंदवत आईच्या बंगल्यातून बाहेर पडण्याचा आदेश मुंबई उच्च न्यायालयाने तिचा मुलगा व सुनेला नुकताच दिला.
बालकाला अखेर जन्मदात्याचेच नाव; ‘लिव्ह इन’च्या विलक्षण प्रकरणात कोर्टाचा निवाडा, काय आहे प्रकरण?
‘मुलाला कर्तव्याचा विसर पडला’
बालकाला अखेर जन्मदात्याचेच नाव; ‘लिव्ह इन’च्या विलक्षण प्रकरणात कोर्टाचा निवाडा, काय आहे प्रकरण?‘मुलाला कर्तव्याचा विसर पडला’
‘मालमत्ता मुलाची कधीच नव्हती. तसेच बक्षीसपत्रांच्या माध्यमातून ती मिळवण्याचाही त्याला हक्क नव्हता. आईने केवळ प्रेम व मायेपोटी हस्तांतर केले. अशा परिस्थितीत आईचा सांभाळ करणे आणि तिची काळजी घेणे, हे मुलाचे कर्तव्य होते. पण त्या कर्तव्याचा विसर पडल्याचे दिसते. आईच्या मूलभूत गरजाच पूर्ण करता आले नसल्याने तिच्याकडून बक्षीसपत्र मिळवण्याचा हक्कच तो गमावून बसला आहे’, असे न्या. संदीप मारणे यांनी आपल्या आदेशात नमूद केले. ‘मोठ्या भावाने चिथावणी दिल्यानेच आईने माझ्याविरुद्ध तक्रार केली’, हा याचिकाकर्त्या मुलाचा युक्तिवादही न्यायमूर्तींनी फेटाळून लावला.