दुपारी कपालेश्वर महादेव मंदिरातून महादेवाच्या चांदीच्या पंचमुखी मुखवट्याची सवाद्य मिरवणूक काढण्यात आली. रामकुंडावर अभिषेक व पूजन करण्यात आले. तसेच इतर महादेव मंदिरातील मुखवटेही येथे पूजनासाठी आणण्यात आले. कपालेश्वर महादेव मंदिरात पहाटे पाचला मंदिराचे गुरव व पूजारी यांच्या हस्ते जलाभिषेक, दुग्धाभिषेक, बेलपत्राभिषेक करण्यात आला. ही पूजा दुपारपर्यंत सुरू होती. मंदिरात भाविकांनी सकाळपासून दर्शनासाठी दर्शनासाठी गर्दी होती. कपालेश्वर मंदिरात दर्शनासाठी भाविकांसाठी व्यवस्था करण्यात आली. रामकुंडाकडील मुख्य प्रवेशद्वारातून आत प्रवेश करून दक्षिण व उत्तरेच्या दरवाजातून बाहेर जाण्याचे मार्ग करण्यात आले होते. भाविक रामकुंडात स्नान करून दर्शनासाठी मंदिरात येत होते. मंदिर परिसरात बेलपत्र, बेलफळ, फुले, प्रसाद यांचे दुकाने मांडण्यात आली होती.
शिवमंदिरांमध्ये पूजन
गोदावरीचा पूर ओसरल्याने गोदापात्रातील सिद्धपाताळेश्वर महादेव मंदिर वगळता बाणेश्वर, त्यागेश्वर, करपुरेश्वर, नीलकंठेश्वर महादेव मंदिरात पूजा व दर्शन घेणे भाविकांना सुलभ झाले. टाळकुटेश्वर, तपोवनातील जनार्दन स्वामी आश्रमातील शर्वोयेश्वर, नांदूरघाटावरील नीलकंठेश्वर, मानूरघाटावरील शिवगंगा, आडगाव, म्हसरूळ, मखमलाबाद या गावांसह अनेक कॉलनीमधील महादेव मंदिरात भाविकांनी पूजा करून दर्शन घेतले.
कपालेश्वर पालखीचे दर्शन
कपालेश्वर महादेव मंदिरात दुपारी तीन वाजता पंचमुखी मुखवटा आणण्यात आला. मंदिरात आरती केल्यानंतर दुपारी चारला पंचमुखी मुखवटा सजविलेल्या पालखीत ठेवण्यात आला. पालखी पंचवटी परिसरातून पालखी मार्गाने रामकुंडावर आणण्यात आली. पालखीच्या मार्गात ठिकठिकाणी आकर्षक रांगोळ्या काढण्यात आल्या होत्या. मार्गात अनेक भाविकांनी पालखीचे दर्शन घेतले. रामकुंडावर अभिषेक व पूजा झाल्यानंतर पालखी रात्री पुन्हा मंदिरात आणण्यात आली. श्रावणातील चौथा सोमवार असल्याने महादेवाला जवाची शिवमूठ वाहण्यात आली.
धरणांची ओंजळ भरली! नाशिक जिल्ह्यातील प्रकल्पांतील पाणीसाठा ८० टक्क्यांवर, कोणत्या धरणात किती पाणी?