म. टा. प्रतिनिधी, पुणे : शिवाजीनगर येथील लोकल टर्मिनल सुरू केल्यानंतर पुणे-लोणावळादरम्यान धावणाऱ्या लोकलला प्रतिसाद वाढत असल्याचे दिसत आहे. गेल्या चार महिन्यांत साडेनऊ लाख प्रवाशांनी शिवाजीनगर येथून प्रवास केला. प्रत्येक महिन्यात लोकलची प्रवासी संख्या वाढते आहे.
पुणे स्थानकावरील ताण कमी करण्यासाठी रेल्वे प्रशासनाने शिवाजीनगर लोकल टर्मिनल विकसित केले. या ठिकाणी लोकलसाठी एक स्वतंत्र लाइन टाकली आहे. त्या ठिकाणाहून सहा फेब्रुवारी २०२३पासून सात लोकल सुरू करण्यात आल्या आहेत. पुणे स्टेशन येथून पुणे-लोणावळादरम्यान २० लोकल गाड्या धावत होत्या. त्यापैकी सात लोकल शिवाजीनगर लोकल टर्मिनल येथून सोडण्यास सुरुवात केली. पुणे स्थानकावरील लोकल गाड्या शिवाजीनगर येथून सोडण्यास सुरुवात केल्यानंतर प्रवाशांनी विरोध केला होता. त्या गाड्या पुणे स्थानकावरूनच सोडण्याची मागणी लावून धरली होती; पण रेल्वे प्रशासनाने येथून हळूहळू गाड्या वाढवल्या. त्यामुळे प्रवाशांना आता शिवाजीनगर येथून जाणाऱ्या लोकलची सवय झाली आहे. प्रवासी संख्या दिवसेंदिवस वाढत आहे.
पुणे स्थानकावरील ताण कमी करण्यासाठी रेल्वे प्रशासनाने शिवाजीनगर लोकल टर्मिनल विकसित केले. या ठिकाणी लोकलसाठी एक स्वतंत्र लाइन टाकली आहे. त्या ठिकाणाहून सहा फेब्रुवारी २०२३पासून सात लोकल सुरू करण्यात आल्या आहेत. पुणे स्टेशन येथून पुणे-लोणावळादरम्यान २० लोकल गाड्या धावत होत्या. त्यापैकी सात लोकल शिवाजीनगर लोकल टर्मिनल येथून सोडण्यास सुरुवात केली. पुणे स्थानकावरील लोकल गाड्या शिवाजीनगर येथून सोडण्यास सुरुवात केल्यानंतर प्रवाशांनी विरोध केला होता. त्या गाड्या पुणे स्थानकावरूनच सोडण्याची मागणी लावून धरली होती; पण रेल्वे प्रशासनाने येथून हळूहळू गाड्या वाढवल्या. त्यामुळे प्रवाशांना आता शिवाजीनगर येथून जाणाऱ्या लोकलची सवय झाली आहे. प्रवासी संख्या दिवसेंदिवस वाढत आहे.
पुणे स्टेशन येथून सात लोकल धावत असताना त्यांना दिवसाला साधारण चार हजार ६४ प्रवासी मिळत होते; पण याच गाड्या शिवाजीनगर लोकल टर्मिनल येथून सोडण्यास सुरुवात केल्यानंतर आता दिवसाला प्रवासी संख्या आठ हजारांच्या पुढे गेली आहे. गेल्या चार महिन्यांत शिवाजीनगर येथून पुणे-लोणावळादरम्यान धावणाऱ्या सात लोकलमधून नऊ लाख ६५ हजार प्रवाशांनी प्रवास केला. त्यात तिकीट काढून प्रवास करणारे दोन लाख ८८ प्रवासी आहेत, तर सहा लाख ७६ हजार प्रवासी पासने प्रवास करणारे आहेत. यातून रेल्वेला ५३ लाख ३७ हजार रुपयांचे उत्पन्न मिळाले आहे. एप्रिलपासून प्रत्येक महिन्यात प्रवाशांचा प्रतिसाद वाढत असल्याचे दिसले आहे, अशी माहिती रेल्वे प्रशासनाकडून देण्यात आली.
शिवाजीनगर येथून सात लोकल सोडण्यात येत आहेत. या गाड्यांना प्रवाशांचा चांगला प्रतिसाद मिळत आहे. या ठिकाणाहून प्रवास करणाऱ्यांना चांगली सेवा देण्याचा आमचा नेहमीच प्रयत्न असतो.- डॉ. रामदास भिसे, जनसंपर्क अधिकारी, पुणे विभाग
२०
पुणे ते लोणावळादरम्यान धावणाऱ्या एकूण लोकल
७
शिवाजीनगर येथून सुटणाऱ्या लोकल
९,६५,०००
चार महिन्यांत शिवाजीनगर येथून प्रवास करणारे प्रवासी
५३,३७,०००
चार महिन्यांत शिवाजीनगर येथून सुटलेल्या लोकलचे उत्पन्न
६,७६,०००
शिवाजीनगर येथून प्रवास करणारे पासचे प्रवासी