विनाअडथळा झाले २०० ‘शो’

नागपूरचा वैभवशाली इतिहास आणि तोही अमिताभ बच्चन, गुलजार आणि नाना पाटेकर यांच्या आवाजात ऐकण्याची संधी या प्रकल्पाच्या माध्यमातून नागपूरकर आणि नागपूर बघण्यासाठी आलेल्या पर्यटकांना मिळणार आहे. तीन भाषांत नागपूरचा इतिहास सांगितला जाणार आहे. हिंदीत गुलजार, मराठीत नाना पाटेकर आणि इंग्रजीत अमिताभ बच्चन यांच्या आवाजात ४० मिनिटांचा खास शो तयार करण्यात आला आहे. बगिचे तयार करून, वायुदलाचे हेलिकॉप्टर लावून परिसराचे सौंदर्य वाढविण्यात आले आहे. खासदार सांस्कृतिक महोत्सव समितीवतीने उद्घाटनापूर्वीचे शो सादर करण्यात आले. सी २० च्या वेळी विदेशी पाहुण्यांसाठीही खास शो ठेवण्यात आला होता. उद्घाटनापूर्वीच २०० शो झाले. तोपर्यंत ही समस्या नव्हती.
Nagpur: डेंग्यूने वाढविली मनपाची धाकधूक; महिनाभरात संशयित रुग्णांची चिंताजनक आकडेवारी समोर
दुरुस्तीसाठी येणार फ्रान्सची चमू

एलआयटीने (लक्ष्मीनारायण इन्स्टिट्युट ऑफ टेक्नॉलॉजी) तपासणी केली असता हे किडे ‘मे फ्लायर’ असल्याचे सांगितले. शेवाळातून मे महिन्यातच हे किडे तयार होतात. त्यांनी फ्रान्सवरून आणलेल्या वायरच्या वरचा रबरच खाल्ला नाही तर ते आत तारापर्यंतही घुसले. सुमारे ४५० वायरचे आतापर्यंत नुकसान झाले आहे. आयआयटी (इंडियन इन्स्टिट्युट ऑफ टेक्नॉलॉजी) मुंबईच्या चमूनेही येऊन तपासणी केली. स्टीलचे कव्हर असलेल्या नवीन वायरची आता पाण्यात टाकून तपासणी सुरू आहे. ‘खडतकर कन्स्ट्रक्शन स्टुडिओ वन’ या कंपनीला हा प्रकल्प पूर्ण करण्याची जबाबादारी सोपविण्यात आली होती. हीच कंपनी आता दुरुस्तीचे काम करणार आहे. यासाठी फ्रान्सची चमू येणार असून एक ते दीड महिन्यात काम पूर्ण करण्याचे प्रयत्न सुरू असल्याचे कंत्राटदारांकडून सांगण्यात आले.