नायडू रुग्णालयाच्या परिसरात वैद्यकीय महाविद्यालयाचे काम सुरू असल्याने येथील प्रकल्प बंद आहे. येथील रुग्णांना ऑक्सिजनची गरज लागल्यास सिलिंडरच्या माध्यमातून ऑक्सिजन दिला जातो. येरवडा येथील राजीव गांधी रुग्णालयात ‘लिक्विड ऑक्सिजन’ प्रकल्प सुरू करण्यात आला; परंतु प्रकल्पाच्या ठिकाणी जाण्यासाठी वाहनांना जागा नसल्याने हा प्रकल्प अद्याप अर्धवट अवस्थेत आहे.

करोनापूर्वी महापालिकेच्या एकमेव कमला नेहरू रुग्णालयात ऑक्सिजनची सुविधा उपलब्ध होती. परिणामी, या काळात रुग्णांवर उपचार करताना अनेक अडचणींचा सामना करावा लागला. त्यामुळे भविष्याचा विचार करून महापालिका प्रशासनाने शहरातील १० रुग्णालयांत ऑक्सिजन प्रकल्प उभारण्याचा निर्णय घेतला. मात्र, करोना संपल्यानंतर या प्रकल्पांचा प्रशासनाला विसर पडल्याचे दिसून येत आहे.

देखभाल दुरुस्तीचे काय?

सध्या करोनारुग्णांची संख्या कमी असल्याने ऑक्सिजनची गरज नाही. त्यामुळे प्रकल्प बंद असल्याचे प्रशासनाचे म्हणणे आहे; परंतु आपत्कालीन स्थितीचा विचार करता प्रकल्प सुस्थितीत राखणे आवश्यक आहे. त्यामुळे लाखो रुपये खर्च करून उभारलेल्या प्रकल्पांची देखभाल दुरुस्ती आणि त्यांची निगा राखणे आवश्यक आहे. मात्र, प्रत्यक्षात त्यापैकी काहीच वापर होत नसल्याचे दिसून येत आहे.
महाराष्ट्रातील पहिले गिधाड संवर्धन, प्रजनन केंद्र पुण्यात; जेजुरीजवळील पिंगोरी येथे उभारणी सुरु
ऑक्सिजन प्रकल्प आणि क्षमता
रुग्णलये ऑक्सिजन जनरेटर प्रकल्प (ओएमजी) लिक्विड प्रकल्प
संख्या- क्षमता (लिटर प्रति मिनिट) संख्या- क्षमता (किलोलिटर)

दळवी २ : १७०० २ : १
नायडू २ : १८५० १ : १३
लायगुडे १ : २५० १ : १०
बाणेर (जुने) २ : २००० १ : १३
बाणेर १ : १००० १ : १३
खेडेकर १ : ६००
मगर १ : ५०० १ : १३
वारजे १ : १०८३ १ : १०
दुगड १ : २५०
राजीव गांधी १ : १०

महापालिकेच्या दहा रुग्णालयांमध्ये करोना कालावधीत ऑक्सिजन प्रकल्प उभारण्यात आले होते. मात्र, सध्या रुग्ण नसल्याने मागणी कमी आहे. त्यामुळे प्रकल्प बंद आहे. प्रकल्प सुस्थितीत राहावे, यासाठी काळजी घेण्यात येत आहे.- डॉ. संजीव वावरे, सहायक आरोग्यप्रमुख

फोटो आजच्या तारखेत

वारजे-माळवाडी येथील रुग्णालयातील बंद असलेला ऑक्सिजन प्रकल्प.