मुंबई : ठाणे स्थानकातील फलाट क्रमांक ४ आणि ५वर (सीएसएमटी दिशेला) ५ मीटर रुंदीच्या पादचारी पुलाच्या निर्मितीसाठी चार गर्डर १४० टन वजनी क्षमतेच्या क्रेनच्या मदतीने उभारण्यात येणार आहेत. यासाठी शनिवारी मध्यरात्री १२.३० ते रविवारी पहाटे ५.३० वाजेपर्यंत पाच तासांचा ब्लॉक मध्य रेल्वेने घोषित केला आहे. ब्लॉककाळात धीम्या मार्गावरील लोकल फेऱ्या जलद मार्गावर वळविण्यात येणार आहेत.
कसाऱ्यात तांत्रिक कामे…
कसारा रेल्वे स्थानकात रुळांच्या पॉइंट क्रॉसिंगसह अन्य तांत्रिक कामांसाठी मध्य रेल्वेने विशेष ट्रॅफिक आणि पॉवर ब्लॉक घोषित केला आहे. शनिवारी रात्री ११.०५ वाजल्यापासून रविवारी मध्यरात्रीदरम्यान २ वाजेपर्यंत अप मार्गावर ब्लॉक घोषित करण्यात आला आहे. ब्लॉककालावधीत लोकलच्या वेळापत्रकात बदल करण्यात येणार आहे. छत्रपती शिवाजी महाराज टर्मिनसहून सुटणारी शनिवारी रात्री ९.३२ची सीएसएमटी-कसारा लोकल टिटवाळा स्थानकापर्यंत धावणार आहे. ही लोकल टिटवाळा ते कसारादरम्यान रद्द राहणार आहे. कसारा येथून रविवारी पहाटे ३.५१ वाजता सुटणारी सीएसएमटी लोकल रद्द करण्यात येणार आहे. टिटवाळ्याहून सीएसएमटीसाठी ३.५१ वाजता लोकल रवाना होणार आहे.
कसाऱ्यात तांत्रिक कामे…
कसारा रेल्वे स्थानकात रुळांच्या पॉइंट क्रॉसिंगसह अन्य तांत्रिक कामांसाठी मध्य रेल्वेने विशेष ट्रॅफिक आणि पॉवर ब्लॉक घोषित केला आहे. शनिवारी रात्री ११.०५ वाजल्यापासून रविवारी मध्यरात्रीदरम्यान २ वाजेपर्यंत अप मार्गावर ब्लॉक घोषित करण्यात आला आहे. ब्लॉककालावधीत लोकलच्या वेळापत्रकात बदल करण्यात येणार आहे. छत्रपती शिवाजी महाराज टर्मिनसहून सुटणारी शनिवारी रात्री ९.३२ची सीएसएमटी-कसारा लोकल टिटवाळा स्थानकापर्यंत धावणार आहे. ही लोकल टिटवाळा ते कसारादरम्यान रद्द राहणार आहे. कसारा येथून रविवारी पहाटे ३.५१ वाजता सुटणारी सीएसएमटी लोकल रद्द करण्यात येणार आहे. टिटवाळ्याहून सीएसएमटीसाठी ३.५१ वाजता लोकल रवाना होणार आहे.
असे आहे नियोजन
स्थानक – मुलुंड ते दिवा
मार्ग – अप धीमा (कळवा-मुलुंड) डाऊन जलद (मुलुंड-दिवा)
वेळ – शनिवारी रात्री १२.३० ते रविवारी पहाटे ५.३०
परिणाम – अप आणि डाऊन धीम्या मार्गावरील लोकल अप जलद मार्गावर वळविण्यात येणार आहेत.
मध्य, हार्बरवरही फेऱ्या विलंबाने
माटुंगा ते मुलुंड आणि मानखुर्द ते नेरूळ या स्थानकांदरम्यान मध्य रेल्वेने रविवारी मेगाब्लॉक घोषित केला आहे. पश्चिम रेल्वेवर वसई रोड ते वैतरणा या दरम्यान शनिवारी मध्यरात्री ब्लॉक घेण्यात येणार आहे. यामुळे रविवारी दिवसा पश्चिम रेल्वेवर कोणताही ब्लॉक असणार नाही. रेल्वेरुळांसह सिग्नलच्या देखभाल-दुरुस्तीसाठी ब्लॉक घेऊन कामे करण्यात येतात. ब्लॉककाळात काही लोकल फेऱ्या रद्द करण्यात येणार असून काही लोकल फेऱ्या विलंबाने धावणार आहेत.
मध्य रेल्वे
स्थानक – माटुंगा ते मुलुंड
मार्ग – अप आणि डाऊन जलद
वेळ – सकाळी ११.०५ ते दुपारी ३.५५
परिणाम – ब्लॉककाळात जलद मार्गावरील अप आणि डाऊन लोकल फेऱ्या धीम्या मार्गावर वळविण्यात येणार आहेत. ब्लॉकमुळे काही लोकल फेऱ्या रद्द करण्यात येणार असून काही लोकल फेऱ्या २० मिनिटे विलंबाने धावणार आहेत.
हार्बर रेल्वे
स्थानक – मानखुर्द ते वाशी
मार्ग – अप आणि डाऊन
वेळ – सकाळी ११.१५ ते सायंकाळी ४.१५
परिणाम – सीएसएमटी ते पनवेल/बेलापूरदरम्यान धावणाऱ्या अप आणि डाऊन लोकल फेऱ्या रद्द करण्यात येणार आहेत. सीएसएमटी ते मानखुर्द या दरम्यान विशेष फेऱ्या चालवण्यात येणार आहेत. ठाणे ते वाशी/नेरूळ मार्गावर लोकल फेऱ्या वेळापत्रकाप्रमाणे सुरू राहणार आहेत.
पश्चिम रेल्वे
स्थानक – वसई रोड ते वैतरणा
मार्ग – अप आणि डाऊन जलद
वेळ – शनिवारी रात्री ११.५५ ते रविवारी पहाटे ४.३०
परिणाम – ब्लॉककाळात शनिवारी रात्री उशिरा धावणाऱ्या काही लोकल फेऱ्या रद्द करण्यात येणार असून काही लोकल फेऱ्या विलंबाने धावणार आहेत. यामुळे पश्चिम रेल्वेवर दिवसा कोणताही ब्लॉक असणार नाही.