ऑटोमोटीव्ह चौक ते मिहान आणि प्रजापतीनगर ते लोकमान्यनगर या ४१ किलोमीटरच्या मार्गावर सध्या मेट्रोच्या सेवा सुरू आहेत. या मार्गादरम्यान येणाऱ्या प्रत्येक स्थानकावरून दोन्ही बाजूचे दोन फ्लॅटफॉर्म देण्यात आले आहे. मिहान ते सीताबर्डीच्या दिशेने जाण्यासाठी फ्लॅटफॉर्म क्रमांक एकवर जावे लागते. सीताबर्डी ते मिहानकडे जाण्यासाठी फ्लॅटफॉर्म क्रमांक दोनवर जावे लागते. मात्र, रविवारी एअरपोर्ट साउथ आणि न्यू एअरपोर्ट या स्थानकावरील फ्लॅटफॉर्म क्रमांक दोन वरूनच मेट्रोच्या फेऱ्या सुरू राहणार आहेत. इतर स्थानकांवर मात्र दोन्ही फ्लॅटफॉर्म उपलब्ध असतील. सिग्नलचे काम पूर्ण झाल्यानंतर सोमवारपासून मेट्रो सेवा पूर्ववत होईल, असे महामेट्रोकडून सांगण्यात आले. एक मेट्रो गेल्यानंतर दुसरी मेट्रो येण्यासाठी १५ मिनिटांचा अवधी लागतो, त्यामुळे प्रवाशांना कुठलाच त्रास होणार नसल्याचे महामेट्रोकडून सांगण्यात आले.
नागपूरकरांसाठी गुड न्यूज! २ महिन्यांत मेट्रोच्या दुसऱ्या टप्प्याचा होणार शुभारंभ