म. टा. प्रतिनिधी, छत्रपती संभाजीनगर : ‘राष्ट्रवादी काँग्रेस पक्षाचे अजित पवार हेच राष्ट्रीय अध्यक्ष आहेत. निवडणूक आयोगाकडे दाखल करण्यात आलेल्या याचिकेत आम्ही तसा स्पष्ट उल्लेख केला आहे,’ असे सांगत राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे यांनी पक्षाची भूमिका स्पष्ट केली. शरद पवार यांचा फोटो आम्ही यापुढे वापरणार नाही, असेही ते म्हणाले.
सुनील तटकरे छत्रपती संभाजीनगरच्या दौऱ्यावर आले असताना त्यांनी पत्रकारांशी संवाद साधला. राष्ट्रवादी काँग्रेस पक्षाचे राष्ट्रीय अध्यक्ष शरद पवार आहेत की अजित पवार असा थेट प्रश्न पत्रकारांनी तटकरे यांना विचारला असता ते बोलत होते. अजित पवार हेच पक्षाचे राष्ट्रीय अध्यक्ष आहेत, तसा उल्लेख आम्ही निवडणूक आयोगाकडे सादर करण्यात आलेल्या याचिकेत केला आहे असे ते म्हणाले.
सुनील तटकरे छत्रपती संभाजीनगरच्या दौऱ्यावर आले असताना त्यांनी पत्रकारांशी संवाद साधला. राष्ट्रवादी काँग्रेस पक्षाचे राष्ट्रीय अध्यक्ष शरद पवार आहेत की अजित पवार असा थेट प्रश्न पत्रकारांनी तटकरे यांना विचारला असता ते बोलत होते. अजित पवार हेच पक्षाचे राष्ट्रीय अध्यक्ष आहेत, तसा उल्लेख आम्ही निवडणूक आयोगाकडे सादर करण्यात आलेल्या याचिकेत केला आहे असे ते म्हणाले.
‘आगामी निवडणूका आम्ही अजित पवार यांच्याच नेतृत्वाखाली घड्याळ चिन्हावर लढणार आहोत. अजित पवार यांच्या नेतृत्वाखाली राष्ट्रवादी काँग्रेस अडचणीत नाही. सर्व कायदेशीर आणि वैधानिक बाबींची पडताळणी करुन आम्ही सत्तेत सहभागी झालो आहोत, निवडणूक आयोगाकडे याचिका दाखल केली आहे. गुणवत्तेच्या आधारावर निवडणूक आयोग योग्य तो निर्णय घेईल,’ असा उल्लेख तटकरे यांनी केला.
दरम्यान, अजित पवार आणि त्यांच्या सोबतच्या नेत्यांनी आपला फोटो वापरु नये, त्यांनी फोटो वापरला तर कोर्टात जाऊ, असा इशारा शरद पवार यांनी दिला होता. याबद्दल पत्रकारांनी सुनील तटकरे यांना विचारले असता ते म्हणाले, शरद पवार यांना कायदेशीर कारवाई करण्याची वेळ येणार नाही, अशा प्रकारे वागायचे असे आम्ही ठरवले आहे. याबद्दल अधिक स्पष्टपणे निवेदन करा असे पत्रकारांनी म्हटल्यावर शरद पवारांचा फोटो वापरणार नाही असे त्यांनी स्पष्ट केले.