नागपूर: राजस्थानमधील उदयपूर येथील गीतांजली मेडिकल कॉलेज रुग्णालयाच्या नेत्ररोग विभागाच्या प्रमुखांचे वर्धा येथे निधन झाले आहे. समृद्धी महामार्गावरून जात असताना त्यांची कार दुभाजकाला धडकली. यात डॉ. नूतन बेदी (६०, जोधपूर, राजस्थान) यांचा जागीच मृत्यू झाला. या अपघातात त्यांचा मुलगा डॉ. गौतम बेदी (२५) हा गंभीर जखमी झाला आहे. ज्याला सावंगी तहसील रुग्णालयात उपचारासाठी दाखल करण्यात आले आहे. ही घटना केळझरजवळ घडली आहे. डॉ. नूतन या त्यांचा मुलगा डॉ. गौतम याच्यासोबत नागपूरहून वर्ध्याला जात असताना हा अपघात घडला.
मिळालेल्या माहितीनुसार, डॉ. नूतन या त्यांचा मुलगा गौतमसोबत आरोग्य विभागाच्या एका कार्यक्रमात सहभागी होण्यासाठी नागपुरात आल्या होत्या. कार्यक्रम आटोपल्यानंतर डॉक्टर आई आणि मुलगा समृद्धी महामार्गाने वर्ध्याला जाण्यासाठी आपल्या कारने निघाले. केळझरजवळील केळकेली आऊटरवरून उतरताना गौतमचे कारवरुन नियंत्रण सुटले. त्यामुळे त्यांच्या गाडीची डिव्हायडरला धडक बसली. त्यानंतर तीन-चार वेळा गाडी पलटी झाली. अपघातात कारचा चुराडा झाला आहे. तसेच या अपघातात डॉ. नूतन बेदी यांचा जागीच मृत्यू झाला, तर त्यांचा मुलगा गौतम बेदी हा गंभीर जखमी झाला आहे.
मिळालेल्या माहितीनुसार, डॉ. नूतन या त्यांचा मुलगा गौतमसोबत आरोग्य विभागाच्या एका कार्यक्रमात सहभागी होण्यासाठी नागपुरात आल्या होत्या. कार्यक्रम आटोपल्यानंतर डॉक्टर आई आणि मुलगा समृद्धी महामार्गाने वर्ध्याला जाण्यासाठी आपल्या कारने निघाले. केळझरजवळील केळकेली आऊटरवरून उतरताना गौतमचे कारवरुन नियंत्रण सुटले. त्यामुळे त्यांच्या गाडीची डिव्हायडरला धडक बसली. त्यानंतर तीन-चार वेळा गाडी पलटी झाली. अपघातात कारचा चुराडा झाला आहे. तसेच या अपघातात डॉ. नूतन बेदी यांचा जागीच मृत्यू झाला, तर त्यांचा मुलगा गौतम बेदी हा गंभीर जखमी झाला आहे.
घटनेची माहिती मिळताच महामार्ग आणि सेलू पोलीस तात्काळ घटनास्थळी दाखल झाले. जखमी डॉ. गौतम यांना आचार्य विनोबा भावे ग्रामीण रुग्णालयात सावंगी रुग्णालयात दाखल केले. सध्या डॉ. गौतम बेदी यांच्यावर आयसीयूमध्ये उपचार सुरू आहेत. त्याचबरोबर डॉ. नूतन यांचा मृतदेह पोस्टमॉर्टमसाठी पाठवण्यात आला आहे.