जवळच बाकावर बसलेल्या २१ ते २२ वयोगटातील मुलांनी मदत करण्याच्या बहाण्याने टाटीया यांच्या हातातील पिशवी घेऊन ज्या दिशेने कार गेली. त्या दिशेने पलायन केले. या घटनेनंतर प्रमोद टाटीया यांनी साक्री पोलिसात फिर्याद दिली. भादंवि ३९२ प्रमाणे संशयितांविरुध्द गुन्हा दाखल करण्यात आला होता. पीआय निकम यांनी आरोपींच्या शोधासाठी पथके तयार केली. अवघ्या १५ तासात पीआय निकम यांच्या पथकाला यश आले. योगेश विजय पवार, गौरव विजय पवार दोघे रा. लोकमान्य नगर, साक्री, गणेश राजेंद्र देसले रा. गणेशनगर, साक्री, दीपक उर्मल पवार, दावल अरुण भवरे आणि संपत उर्फ संप्या अशोक मालचे रा. गढी भिलाटी साक्री या संशयीतांना ताब्यात घेतले. आरोपींनी गुन्ह्याची कबुली दिली असून त्यांच्याकडून ८ लाख १२ हजार ४०० रुपयांचा मुद्देमाल जप्त करण्यात आला आहे.