डोंबिवली : एकाच गावात राहत असल्याने मैत्री झाली आणि नंतर तरुणाने एका महिलेबरोबर मोबाईलमधून अश्लील छायाचित्रे काढली होती. या छायाचित्रांचा आधार घेऊन आरोपी तरुण महिलेला छायाचित्रे समाज माध्यमावर प्रसारित करण्याची धमकी देऊन वारंवार पैसे मागत होता. या सततच्या छळाला कंटाळून महिलेने डोंबिवलीतील देसलेपाडा इथल्या आपल्या राहत्या घराच्या ६ व्या माळ्यावरून उडी घेत आत्महत्या केली आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, गेल्या महिन्यात हा प्रकार घडला आहे. मयत महिला ही कष्टकरी घरातील आहे. मजुरीसाठी ती आपल्या कुटुंबासह हरयाणा राज्यातील कैथल जिल्ह्यातील डोंगर पट्टी गावातून डोंबिवलीत आली आहे. ही महिला आपल्या कुटुंबासह डोंबिवली पूर्वेतील देसलेपाडा नवनीतनगर येथील रविकिरण सोसायटीत राहत होती.
मिळालेल्या माहितीनुसार, गेल्या महिन्यात हा प्रकार घडला आहे. मयत महिला ही कष्टकरी घरातील आहे. मजुरीसाठी ती आपल्या कुटुंबासह हरयाणा राज्यातील कैथल जिल्ह्यातील डोंगर पट्टी गावातून डोंबिवलीत आली आहे. ही महिला आपल्या कुटुंबासह डोंबिवली पूर्वेतील देसलेपाडा नवनीतनगर येथील रविकिरण सोसायटीत राहत होती.
अजय ऋषीपाल (३३) असे आरोपी तरुणाचे नाव आहे. या संदर्भात पोलिसांनी सांगितले की, आरोपी अजय आणि मृत महिला हे हरियाणा राज्यातील एकाच गावामधील रहिवासी आहेत. त्यांच्यामध्ये मैत्री झाली होती. या मैत्रीतून आरोपी तरुणाने मयत महिलेसोबत मे महिन्यात मोबाईलमधून छायाचित्रे काढली होती. मैत्रीतून ही छायाचित्रे काढल्याने आरोपी अजय त्याचा दुरुपयोग करील असे महिलेला वाटले नाही. गेल्या ३ महिन्यांपासून अजयने महिलेला या छायाचित्रांचा आधार घेऊन त्रास देण्यास सुरुवात केली.
‘तू मला पैसे दे, नाहीतर तुझ्यासोबत काढलेले छायाचित्रे मी समाज माध्यमांवर प्रसारित करतो’, असे अजय या महिलेला धमकावू लागला. एकीकडे समाजमाध्यमांवर ही छायाचित्रे प्रसारित झाली तर कुटुंबीयांसह समाजाच्या रोषाला सामोरे जावे लागेल, अशी भीती महिलेला वाटू लागली. तर दुसरीकडे अजयने पैशांसाठी या महिलेच्या मागे तगादा सुरूच ठेवला होता. महिलेकडून पैसे मिळत नाहीत पाहून त्याने ही छायाचित्रे समाजमाध्यमांवर प्रसारित केली. हा प्रकार सहन न झाल्याने महिलेने ७ जुलै रोजी सायंकाळी ४.४५ च्या सुमारास आपल्या राहत्या घराच्या सहाव्या माळ्यावरुन उडी मारुन आत्महत्या केली.
महिलेचा नातेवाईक भीम सिंह (६३) यांनी मानपाडा पोलिसांच्या ठाण्यात जाऊन तक्रार दाखल केली. पोलिसांनी डोंबिवलीसह हरयाणा राज्यात जाऊन चौकशी केल्यानंतर हा गुन्हा दाखल केला. या प्रकरणी सहाय्यक पोलीस निरीक्षक सर्जेराव पाटील अधिक तपास करत आहेत.
नागपूरचा आवाज हरपला, शहरातील प्रसिद्ध आरजे राजन यांचं ब्रेन हॅमरेजने निधन