कल्याण : कल्याणच्या पूर्वेकडील खडेगोळवली परिसरात चार दिवसांपूर्वी १७ वर्षीय तरुणाची दहा जणांनी मिळून संपवले होते. अत्यंत निर्घृणपणे करण्यात आलेल्या हत्येप्रकरणी कोळसेवाडी पोलिसांनी काही तरुणांना अटक केली आहे. पोलिसांनी भाजपा युवा पदाधिकारी आकाश जैसवाल याला बेड्या ठोकल्याने राजकीय वर्तुळात खळबळ उडाली आहे. मोबाईल डेटात पुरावे सापडल्याने आकाशला अटक करण्यात आल्याची माहिती आहे.
सहा महिन्यांपूर्वी विठ्ठलवाडीतील पेट्रोल पंपावर झालेल्या बाचाबाचीचा राग मनात धरुन शुक्रवारी १८ ऑगस्ट रोजी संध्याकाळी खडेगोळवलीतील मंगेशी मैदानात अल्पवयीन तरुणाची हत्या करण्यात आली. ज्या मुलाने अन्य आरोपींच्या मदतीने अल्पवयीन तरुणाला मारहाण केली होती, तो मुलगा देखील अल्पवयीन आहे.
सहा महिन्यांपूर्वी विठ्ठलवाडीतील पेट्रोल पंपावर झालेल्या बाचाबाचीचा राग मनात धरुन शुक्रवारी १८ ऑगस्ट रोजी संध्याकाळी खडेगोळवलीतील मंगेशी मैदानात अल्पवयीन तरुणाची हत्या करण्यात आली. ज्या मुलाने अन्य आरोपींच्या मदतीने अल्पवयीन तरुणाला मारहाण केली होती, तो मुलगा देखील अल्पवयीन आहे.
या मारहाणीत गंभीर जखमी झालेल्या तरुणावर हॉस्पिटलमध्ये उपचार सुरू होते. मात्र उपचारादरम्यान त्याचा मृत्यू झाला. या प्रकरणी कोळसेवाडी पोलिसांनी दोन तरुणांसह दोन अल्पवयीन मुलांना ताब्यात घेतले होते. तपासादरम्यान या प्रकरणात आणखी काही आरोपींचा शोध सुरू असताना आकाशचे नाव पुढे आले.
गाडीत पैशांवरुन वाद, सराईत गुंडाचा भररस्त्यात खून, पिंपरीत फिल्मी थरार
पोलिसांनी तपास चक्रांना वेग दिला असता मोबाईल डाटानुसार अर्थात सीडीआरच्या माध्यमातून आकाश जैसवाल याचा या हत्याकांडात समावेश असल्याचे समोर आले. विशेष म्हणजे ज्या दिवशी ही घटना घडली त्या दिवशी आकाश हा भाजपाच्या एका मोर्चात सहभागी होता. तसेच आकाश हा भाजपाचे माजी उपमहापौर विक्रम तरे यांचा निकटवर्तीय असल्याचेही समोर आले आहे.
तक्रारदाराची भारी खेळी, तडजोडीचं नाटक; लाच घेताना पोलीस उपनिरीक्षकाला रंगेहाथ अटक
हत्याकांडापूर्वी आकाश हा आरोपींच्या संपर्कात होता. मोबाईल सीडीआरच्या पुराव्यांमुळे आकाश जैसवाल याला अटक करण्यात आल्याची माहिती पोलिस सूत्रांकडून देण्यात आली.