मुंबईतील म्हाडाच्या ३८८ इमारतींबाबत राज्य सरकारचा मोठा निर्णय; लवकरच होणार पुनर्विकास
मुंबई शहरातील जुन्या, मोडकळीस आलेल्या इमारतींच्या पुनर्बांधणी व दुरुस्तीसाठी तेथील रहिवाशांना तात्पुरत्या स्वरूपात संक्रमण शिबिरात निवारा देण्याची योजना आहे. मात्र, तिथे कालांतराने मूळ रहिवाशांऐवजी घुसखोरांची संख्या वाढत गेली. त्यावर वारंवार कारवाई करूनही अनेक संक्रमण शिबिरांमध्ये घुसखोरांचाच वावर अधिक आहे. हा प्रश्न निकालात काढण्यासाठी राज्य सरकारने काही वर्षांपूर्वी या घुसखोरांना अधिकृत करण्याचे धोरण राबवले. तरीही संक्रमण शिबिरातील घुसखोरीची समस्या सुटलेली नाही. घुसखोर रहिवाशांकडून त्या घराचे मासिक भाडे भरले जात नसल्याने त्याचा भार मंडळावर पडतो.