पोलिसांनी दिलेल्या माहितीनुसार, शनिवारी रात्री ९ वाजताच्या सुमारास यशोधरानगर परिसरात राहणारी महिला घरून निघाली. त्यानंतर रविवारी पहाटे ३.३० वाजताच्या सुमारास ती अर्धनग्न अवस्थेत नागपूरपासून सुमारे १५ किमी अंतरावरील महालगावमधील नोकर लॉजिस्टीकच्या चौकीदाराच्या खोलीत गेली. तेथे ती बेशुद्ध झाली. सकाळी ७.३० वाजताच्या सुमारास चौकीदाराला ती दिसताच त्याने मौदा पोलिसांना माहिती दिली. मौदा पोलिसांनी तिला उपचारासाठी मेयो हॉस्पिटलमध्ये दाखल केले. तसेच शोध घेत तिच्या नातेवाइकांबाबत माहिती मिळवली. दरम्यान, मेयो हॉस्पिटलमध्ये उपचारादरम्यान तिचा मृत्यू झाला.

अतिक्रमण हटविल्याने महिलेकडून थरारक कृत्य; कलेक्टर ऑफिससमोरच स्वत:ला पेटवलं, काय घडलं?
महिलेचे शवविच्छेदन करण्यात आले. यात डोके आपटण्यात आले व मार लागल्याने तिचा मृत्यू झाल्याची शक्यता डॉक्टरांनी वर्तवली. तसेच धावत्या वाहनात तिच्यावर अत्याचाराचा प्रयत्न झाला. वाहनातील एका इसमाने तिचे डोके केबिनवर आदळले. त्यानंतर तिला सोडून वाहनचालक व त्यातील अन्य पसार झाले, असा संशय मौदा पोलिसांना आहे. त्याआधारे पोलिसांनी खुनाचा गुन्हा दाखल करून तपास सुरू केला आहे.