माणगाव : अनुकंपा तत्त्वावर शासकीय निमशासकीय नोकरी मिळवण्यासाठी वर्षानुवर्षे प्रतीक्षा करावी लागते वेळप्रसंगी अधिकारी व नेत्यांचे उंबरठे झीजवावे लागतात. पण या सगळ्याला रायगड जिल्हा प्रशासन मात्र अपवाद ठरला आहे. केवळ अवघ्या दहा दिवसात नियुक्त पत्र देऊन प्रशासनाच्या गतिमान कारभारचा रायगड जिल्हा प्रशासनान अवघ्या महाराष्ट्राला आदर्श घालून दिला आहे. जिल्हाधिकारी डॉक्टर योगेश म्हसे यांचा हा माणगाव पॅटर्न सगळ्यांसाठीच कौतुकाचा विषय ठरला आहे. माणगाव येथील तहसीलदार कार्यालयात प्रदीप सोनावळे या शिपाई पदावर कार्यरत असलेल्या कर्मचाऱ्याचा दुर्दैवाने अपघाती मृत्यू झाला.
या कुटुंबावरती दुःखाचा मोठा डोंगर कोसळला कुटुंबासमोर मोठे प्रश्नचिन्ह उभे राहिलेल्या कुटुंबाला रायगड जिल्हा प्रशासनाने मोठा दिलासा देण्याचा मोठा निर्णय घेतला. सोनवणे यांची सुकन्या पूजा हिला तलाठी पदावरती नियुक्ती देण्यात आली आहे.
या कुटुंबावरती दुःखाचा मोठा डोंगर कोसळला कुटुंबासमोर मोठे प्रश्नचिन्ह उभे राहिलेल्या कुटुंबाला रायगड जिल्हा प्रशासनाने मोठा दिलासा देण्याचा मोठा निर्णय घेतला. सोनवणे यांची सुकन्या पूजा हिला तलाठी पदावरती नियुक्ती देण्यात आली आहे.
चिंताजनक! स्वातंत्र्याला झाली ७६ वर्षे, तरी नाशिकमधील आदिवासी बांधव सोयीसुविधांपासून वंचित
शासन आपल्या घरी या उपक्रमाचा सध्या बोलबाला सुरू असतानाच व विरोधीपक्ष अनेकदा टीका करत असताना मुख्यमंत्री एकनाथ शिंदे यांच्या सरकारमधील रायगड जिल्हा प्रशासनाने घेतलेला हा निर्णय कोकणात कौतुकाचा विषय ठरला आहे. स्वातंत्र्य दिनाच्या अमृत महोत्सवाचे औचित्य साधून अवघ्या दहा दिवसात दिले आहे. माणगावचे प्रांताधिकारी डॉ. संदीपान सानप यांच्या हस्ते तहसीलदार विकास गारुडकर, पोलीस निरीक्षक राजेंद्र पाटील, मुख्याधिकारी संतोष माळी, माणगावचे नगराध्यक्ष ज्ञानदेव पोवार आदी मान्यवरांच्या उपस्थितीत झालेल्या या स्वातंत्र्य दिनाच्या सोहळ्यात हे नियुक्तीपत्र देण्यात आले.
मोठी बातमी! मुरुड समुद्रकिनाऱ्यावर आढळले ४० लाख रुपये किमतीचे चरस, पोलीस यंत्रणा चक्रावल्या
सोनावळे कुटुंबीयांवर मोठा दुःखाचा डोंगर कोसळला त्यांच्या पश्चात चार मुली पत्नी असं मोठं कुटुंब आहे. या सगळ्याची दखल घेत माणगाव तालुका प्रशासनाने दाखवलेली संवेदनशीलता हे उदाहरण समोर ठेवून अवघ्या महाराष्ट्रातील प्रशासकीय अधिकाऱ्यांनी याची अंमलबजावणी करण्याची गरज आहे.
माणगांवचे पोलिस निरीक्षक राजेंद्र पाटील यांनी या अपघाताची नोंद व लागणारी कागदपत्र, तसेच मुख्याधिकारी संतोष माळी यांनी आपल्या ओळखीने जे.जे. रुग्णालय व्यवस्थापनास केलेल्या विनंतीवरून मृत्यूचा दाखला तात्काळ मिळणे शक्य झाले.
भाजपबाबत शरद पवार, राज ठाकरे यांच्या भूमिका नेमक्या काय आहेत?; सुधीर मुनगंटीवार यांनी केले स्पष्ट
माणगांवचे प्रांत डॉ. संदीपान सानप यांच्या पाठपुराव्याला रायगडचे जिल्हाधिकारी डॉ. योगेश म्हसे यानी तत्काळ नियुक्ती देण्यास परवानगी दिली. त्यामुळेच हे शक्य झाल्याचे तहसीलदार डॉ.विकास गारुडकर यांनी सांगितले.