मुंबई : शीव स्थानकात पत्नीला धक्का लागल्याने रागाच्या भरात दाम्पत्याने एका तरुणाला मारहाण केली. मारहाणीत तरुण रेल्वे मार्गावर पडल्याने रेल्वेच्या धडकेत झालेल्या त्याचा मृत्यू झाल्याची घटना १३ ऑगस्ट रोजी घडली. दिनेश राठोड (२६) असे मृत व्यक्तीचे नाव असून तो नवी मुंबईतील घणसोली गावातील रहिवासी आहे. या प्रकरणी दादर रेल्वे पोलिसांनी अविनाश माने आणि शीतल अविनाश माने या दाम्पत्याला बेड्या ठोकल्या आहेत.

शीव रेल्वे स्थानकातील फलाट क्रमांक एकवरील जिन्यावरून माने दाम्पत्य फलाटावर उतरत होते. यावेळी प्रवासी दिनेश राठोड याचा धक्का शीतल माने यांना लागला. धक्का लागताच महिलेने प्रवाशाला छत्रीने मारले. महिलेने मारहाण सुरू करताच अविनाश यांनी देखील त्याला मारहाण करण्यास सुरुवात केली. यावेळी प्रवाशाचा तोल गेल्याने तो रुळांवर पडला आणि फलाट क्रमांक एकवर आलेल्या धीम्या लोकलच्या धडकेत त्या तरुणाचा मृत्यू झाला.

लव्ह जिहादचा आरोप करत तरुणाला बेदम मारहाण, मुंबईतील वांद्रे रेल्वे स्थानकाबाहेरील प्रकार
ही संपूर्ण घटना फलाट क्रमांक एकवरील सीसीटीव्हीमध्ये चित्रीत झाली आहे. याप्रकरणी दादर रेल्वे पोलिसांनी अपमृत्यूची नोंद करत निष्काळजीपणाचा गुन्हा दाखल करून अविनाश व शीतल दोघांनाही अटक केली.

वंचित फॅक्टरने काँग्रेसचा गेम केला, पण २०२४ च्या यशस्वी राजकारणासाठी आंबेडकरांना त्यांचीच गरज!
दोघही कोल्हापूरमधील रहिवासी असून मारहाणीनंतर रेल्वे अपघात मृत्यू झालेला तरुण बेस्टमध्ये कामाला होता, अशी प्राथमिक माहिती रेल्वे पोलिसांनी दिली आहे.

Pawar vs Modi : मोदी यांनी फडणवीसांचे मार्गदर्शन घेतलेले दिसते; शरद पवारांची खोचक टीका