आमदार किशोर पाटील यांची खंदे समर्थक म्हणून लखीचंद यांची ओळख आहे. तरुण चेहरा असलेल्या लखीचंद यांनी भडगाव तालुक्यातील शिवसेना पक्षाची मोठी बांधणी केली आहे. आमदार किशोर पाटील शिंदे गटात गेल्यावर लखीचंद यांनीही त्यांना पाठींबा देत ते शिंदे गटात सहभागी झाले होते. स्व.बापूजी फाउंडेशनच्या माध्यमातून लखीचंद पाटील यांची भडगाव शहरासह ग्रामीण भागात तरुणांची मोठ्या प्रमाणात साखळी तयार केलेली आहे. तसेच कृ.उ.बा. संचालक आणि भडगाव नगरपरिषदेत नगरसेवक म्हणून देखील ते निवडून आलेले आहेत. त्याव्यतिरिक्त विविध सामाजिक उपक्रमात देखील लखीचंद पाटील हे अग्रेसर असतात. लखीचंद पाटील यांच्या भाजपा प्रवेशाने आगामी भडगाव नगरपरिषदेच्या निवडणुकीचे गणित बदलेल असे मानले जात आहे.

शिंदे गटाच्या पदाधिकारी कार्यकर्त्यासह राष्ट्रवादीचे सरचिटणीस जगदीश पाटील यांनी मंत्री गिरीश महाजन यांच्या नेतृत्वावर विश्वास ठेवून भाजपमध्ये प्रवेश केला आहे. राष्ट्रवादीचे सरचिटणीस जगदीश पाटील यांच्या प्रवेशाने गुडे-वडजी परिसरामध्ये भारतीय जनता पार्टीची ताकद वाढणार असून जगदीश पाटील यांच्या सारख्या तरुण आणि सामाजिक कामात अग्रेसर असणाऱ्या चेहऱ्यामुळे नक्कीच भारतीय जनता पार्टीला या भागात भविष्यात फायदा होईल, असे मानले जात आहे. राष्ट्रवादी अजित पवार गटाचे माजी आमदार दिलीप वाघ यांना देखील मोठा धक्का मानला जात आहे. या सोहळ्यामुळे आगामी भडगाव नगरपरिषद, जिल्हा परिषद आणि पंचायत समिती निवडणुकीत भाजपला मोठी ताकद मिळणार असल्याचे बोलले जात आहे.
शाळेत हजार विद्यार्थी; मात्र इमारत धोकादायक स्थितीत, संस्थाचालकाचे दुर्लक्ष, पालकांचे मोठं पाऊल
आमदार किशोर पाटील यांनी मुख्यमंत्री एकनाथ शिंदे आणि आमदारांच्या अपात्रेबाबतच्या निर्णयावर बोलताना मोठे विधान केले आहे. एकनाथ शिंदे यांच्यासह आमदार अपात्र झाल्यास ते भाजपमध्ये जातील. एकनाथ शिंदे यांनी सांगितले की, तर आम्ही भाजपच्या कमळ चिन्हावरही निवडणूक लढवू, असे आमदार किशोर पाटील यांनी म्हटलं आहे. त्यातच शिंदे गटाच्या पदाधिकारी कार्यकर्त्यांचा भाजपमध्ये प्रवेशामुळे आमदार किशोर पाटील यांनी म्हटल्याप्रमाणे पार पडलेला प्रवेश सोहळा हा आगामी काळातील काही बदलाचे सुचक संकेत तर नाही ना? अशी चर्चा राजकीय वर्तुळात रंगली आहे. आगामी काळात काय राजकीय घडामोडी घडतात, हे पाहणं महत्वाचं असणार आहे.