२०२४ मध्ये शरद पवारांशिवाय लढण्याची वेळ आल्यास ‘प्लॅन बी’ तयार केल्याची माहिती समोर आली आहे. शरद पवार गटाशिवाय लढायंच झाल्यास काय करावं लागले याची चर्चा झाली असल्याचे बोलले जात आहे. त्यानुसार, वेगवेगळ्या लोकसभा मतदारसंघाचा आढावा आणि बैठका घेतल्या जाणार आहेत पहिल्या टप्प्यात राष्ट्रवादीच्या बारामती या बालेकिल्ल्यातून १८ ऑगस्टला आढावा घेतला जाणार आहे. एकूण ४८ लोकसभा मतदारसंघांमध्ये स्वबळावर निवडणूक लढवण्यासाठी चाचपणी सुरू करण्यात आली आहे.

पक्ष फुटीनंतर अजितदादा शरद पवार यांना आत्तापर्यंच चार वेळा भेटले आहेत. त्यांच्यात पहिली भेट प्रतिभा ताईंच्या हातावर शस्त्रक्रिया झाल्यानंतर सिल्व्हर ओक इथे झाली आहे. दुसरी भेट अजित दादा आपल्या ९ मंत्र्यांना घेऊन यशवंतराव चव्हाण सेंटरला भेटले. तिसरी भेट पुन्हा एकदा आमदारांना घेऊन अजित पवार यशवंतराव चव्हाण सेंटरला भेटले. चौथी भेट पुण्यात अतुल चोरडियांच्या यांच्या घरी गुप्त भेट कॅमेरात दिसल्याने उघड झाली आहे. पक्षफुटीनंतही अशाप्रकारे शरद पवार अजित पवार यांची भेट होत असतील तर आम्ही काय करावं असं प्रश्नचिन्ह काँग्रेस आणि ठाकरे गटासमोर आहे.
भाजपबाबत शरद पवार, राज ठाकरे यांच्या भूमिका नेमक्या काय आहेत?; सुधीर मुनगंटीवार यांनी केले स्पष्ट
आधी अडीच वर्षांच्या मुख्यमंत्री पदावरुन फिस्कटलं आणि उद्धव ठाकरे यांनी राष्ट्रवादी काँग्रेसला साथ दिली. पण आता आठ महिन्यांवर आलेली लोकसभा निवडणूक राष्ट्रवादीच्या भूमिकेवरुन काँग्रेस-ठाकरे गटाला संभ्रम आहे. सद्यस्थिती पाहता ठाकरे गट लोकसभा मतदासंघनिहाय बैठकांना सुरुवात करणार आहे. दरम्यान, उद्धव ठाकरे मुंबईतून त्यांच्या पक्षाची वाटचाल ठरवू शकतात. परंतु काँग्रेसला दिल्लीच्या परवानगीशिवाय पुढे पाऊल टाकता येत नाही. महाराष्ट्रातील राजकीय घडामोडींबाबत काँग्रेसच्या राज्य नेत्यांनी दिल्लीला कळवले आहे. दिल्ली हायकमांडही या घडामोडींकडे लक्ष ठेवून आहे. आता ही रणणीती ठाकरे गट आणि काँग्रेसच्या कामी येते की आघाडीसमोर आणखी कुठले संकेत येत ते पाहावं लागेल. बैठकांवर बैठका घेऊन उद्धव ठाकरे आणि काँग्रेस पवारांना तंबी देत आहेत का? आगामी काळात चित्र बदलल्यास उद्धव ठाकरे पवारांशिवाय ‘पॉवर’ दाखवील का? याविषयीचं तुमचं मत कमेंटमध्ये नक्की सांगा.