गडचिरोली: जिल्ह्यातील पिपली बुरगी कोठी कोरनार पुलाचे उदघाटन आज उपमुख्यमंत्री देवेंद्र फडणवीस यांनी केले. सर्वात वैशिष्ट्य म्हणजे हे ठिकाण संवेदनशील असल्याने महाराष्ट्राच्या इतिहासात कुणी मंत्री या ठिकाणी गेले नाही. आज मात्र देवेंद्र फडणवीस यांनी तेथे जाऊन उदघाटन केले. महाराष्ट्र आणि छत्तीसगडला जोडणारा हा महत्वाचा पुल आहे. सुमारे १६ गावे पावसाळ्यात पूर्णपणे संपर्कातून तुटत होती. आता या पुलामुळे त्यांना मोठी सुविधा यामुळे मिळणार आहे. या कामाची हवाई पाहणी सुद्धा देवेंद्र फडणवीस यांनी केली.
त्यानंतर सुरजागड येथे पोलिस बॅरेक प्रशासकीय इमारतीचे उदघाटन फडणवीस यांनी केले आणि लाभार्थी संवाद साधला. यात पोलिस मदत केंद्र, पुरुष वसतीगृह व महिला वसतिगृहाचा समावेश आहे.
त्यानंतर सुरजागड येथे पोलिस बॅरेक प्रशासकीय इमारतीचे उदघाटन फडणवीस यांनी केले आणि लाभार्थी संवाद साधला. यात पोलिस मदत केंद्र, पुरुष वसतीगृह व महिला वसतिगृहाचा समावेश आहे.
– तेथून अहेरीपर्यंत प्रवास करीत पोलिस कँटिन, पोलिस लायब्ररी, पोलिस गार्डनचे उदघाटन केले. एक गाव एक वाचनालय या अंतर्गत पोलिस संकुल, अहेरी येथे वाचनालय सुरू करण्यात आले आहे. शालेय मुलींना उपमुख्यमंत्री देवेंद्र फडणवीस यांच्या हस्ते सायकलचे वाटप करण्यात आले.
– गडचिरोली जिल्ह्यात अहेरी येथील पोलिस उपमुख्यालय प्राणहिता येथे शहीद स्मारक उभारण्यात आले आहे. स्वातंत्र्यदिनी आज उपमुख्यमंत्री देवेंद्र फडणवीस यांनी शहीद स्मारकाला पुष्पचक्र अर्पण करून अभिवादन केले.
– नक्षलविरोधी अभियानात अतुलनीय कामगिरी करणाऱ्या व शौर्य पुरस्कारप्राप्त पोलिस अधिकारी व जवानांना उपमुख्यमंत्री देवेंद्र फडणवीस यांच्या हस्ते प्रशस्तीपत्र देऊन सत्कार करण्यात आला.
– कालच गडचिरोली पोलिस दलातील ३३ पोलिसांना शौर्य पुरस्कार जाहीर झाले होते. त्यांना व नक्षलविरोधी अभियानात अतुलनीय कामगिरी करणाऱ्या पोलिसांना स्वतः देवेंद्र फडणवीस यांनी प्रशस्तीपत्र दिले आणि त्यांचा सत्कार केला. प्राणहिता येथे चार नवीन बोलेरो व २० दुचाकी वाहने नव्याने पोलिस दलाला देण्यात आली.
– अहेरी येथे पाच मोबाईल टॉवरचे उपमुख्यमंत्री देवेंद्र फडणवीस यांनी उदघाटन केले आणि मोबाईल टॉवर उभारण्यात आलेल्या गावकऱ्यांशी ऑनलाइन संवाद साधला.