सोलापूर : दिलीप सोपल म्हणजे असे नेते ज्यांनी बार्शीला आपला बालेकिल्ला बनवलं आणि राजकारण सेट केलं. युतीची लाट असो की मोदी लाट.. बार्शीत फक्त सोपल पॅटर्न चालायचा. कधी शरद पवारांनी तर कधी बाळासाहेब ठाकरेंनी बार्शीत सभा घेऊनही निवडून येण्याचा रेकॉर्ड दिलीप सोपलांच्या नावे आहे.. पण २०१९ ला पवारांची साथ सोडल्याने वारं फिरलं आणि सोपलांना जबर हादरा बसला. विधानसभेला पराभव झालाच, शिवाय कारकिर्दीला ब्रेक लागला. तिथं देवेंद्र फडणवीसांचे विश्वासू राजेंद्र राऊत आमदार झाले. बार्शीत राष्ट्रवादीचा क्लेम बळकट करण्यासाठी सोपलांना पर्याय देण्यासाठी शरद पवारांनी नवा मोहरा शोधलाय. सोलापूर दौऱ्यावर जाताच पवारांनी बार्शीचा उमेदवार फिक्स केलाय. शरद पवारांनी दिलीप सोपलांना शोधलेला पर्याय दुसरं तिसरं कुणी नसून विश्वास बारबोले आहेत.
बार्शीत राजकारण कायमचं व्यक्तीकेंद्रीत राहिलंय. आजही बार्शीमध्ये दिलीप सोपल आणि आता राजेंद्र राऊतांचा बोलबाला चालतो. मात्र, जुन्या सहकाऱ्याच्या मुलाला बार्शीतून उमेदवारीचा शब्द शरद पवारांनी दिला आहे.पवारांनी शब्द दिल्याने विश्वास बारबोलेंनी निवडणुकीची तयारी सुरू केलीय. बारबोले कुटुंब बार्शीच्या राजकारणात चार दशकांपासून सक्रीय आहे. अर्जुनराव बारबेले हे कट्टर काँग्रेसी आणि शरद पवारांचे विश्वासू सहकारी होते. १९८५ ला अर्जुनराव बारबोलेंच्या पाठिंब्यामुळे दिलीप सोपल पहिल्यांदा आमदार झाले. आजही बार्शीच्या राजकारणात बारबोले गटाचं स्वतंत्र अस्तित्व दिसून येतं.
मविआतून राष्ट्रवादीला वगळून लढण्याच्या प्लॅन बीच्या चर्चा, ठाकरे समर्थक खासदारानं सगळं स्पष्ट केलंं, म्हणाले..
बार्शीत राजकारण कायमचं व्यक्तीकेंद्रीत राहिलंय. आजही बार्शीमध्ये दिलीप सोपल आणि आता राजेंद्र राऊतांचा बोलबाला चालतो. मात्र, जुन्या सहकाऱ्याच्या मुलाला बार्शीतून उमेदवारीचा शब्द शरद पवारांनी दिला आहे.पवारांनी शब्द दिल्याने विश्वास बारबोलेंनी निवडणुकीची तयारी सुरू केलीय. बारबोले कुटुंब बार्शीच्या राजकारणात चार दशकांपासून सक्रीय आहे. अर्जुनराव बारबेले हे कट्टर काँग्रेसी आणि शरद पवारांचे विश्वासू सहकारी होते. १९८५ ला अर्जुनराव बारबोलेंच्या पाठिंब्यामुळे दिलीप सोपल पहिल्यांदा आमदार झाले. आजही बार्शीच्या राजकारणात बारबोले गटाचं स्वतंत्र अस्तित्व दिसून येतं.
मविआतून राष्ट्रवादीला वगळून लढण्याच्या प्लॅन बीच्या चर्चा, ठाकरे समर्थक खासदारानं सगळं स्पष्ट केलंं, म्हणाले..
अर्जुनराव बारबोलेंनंतर पुत्र विश्वास बारबोले बार्शीची राजकारणात सक्रीय झाले. पण विश्वास बारबोलेंचं राजकारण बार्शी शहरापुरतंच मर्यादित राहिलं. मात्र, आता विश्वास बारबोले विधानसभा लढण्यावर ठाम आहेत. विश्वास बारबोले १९९१ ला बार्शी नगरपरिषदेत नगरसेवक झाले. तर १९९६ ला दुसऱ्यांदा नगरसेवक म्हणून ते विजयी झाले. बारबोलेंची १९९८ ला नगराध्यक्ष पदी निवड झाली. १९९९ ला शरद पवारांना साथ देत त्यांनी राष्ट्रवादीसोबत वाटचाल सुरू केली. १९९९ ला दिलीप सोपल राष्ट्रवादीसोबत आल्याने विश्वास बारबोलेंनी निवडणुकीतून माघार घ्यावी लागली होती. बारबोलेंनी २००९ ला शिवसेनेकडून निवडणूक लढवली, पण पराभव झाला पुढे त्यांनी २०१४ आणि २०१९ च्या विधानसभा निवडणुकीत राजेंद्र राऊतांना साथ दिली. बारबोलेंनी २०२२ ला राष्ट्रवादीत वापसी करुन २०२४ ची तयारी सुरू केली आहे.
स्वातंत्र्यानंतर भारत पहिल्याच मालिकेत काळी पट्टी लावून मैदानात का उतरला होता, जाणून घ्या कारण
१९९९ ला दिलीप सोपलांसाठी विश्वास बारबालेंनी माघार घेतली, तेव्हापासून बारबोले कुटुंब बार्शीच्या राजकारणात मागे पडलं. पुढे २००४ ला बारबोलेंची स्पेस राजेंद्र राऊतांनी घेतल्याने बारबोलेंना राऊतांच्या नेतृत्वात काम करावं लागलं. मात्र, आता दिलीप सोपलांच्या राजकारणाला ब्रेक लागला असतानात राजेंद्र राऊतांपासून वेगळं होऊन विश्वास बारबोलेंनी राष्ट्रवादीचा झेंडा हाती घेतलाय. सोपलांसारखा विश्वासू साथीदार दुरावल्याने पवारही नवा मोहरा मैदानात उतरवणार आहेत. सध्यातरी बारबालेंना गॉडफादरची गरज आहे. आणि शरद पवार नावाची शक्ती मागे उभारल्याने विश्वास बारबोले तिसरा पर्याय म्हणून बार्शीच्या राजकारणात उभारी घेऊ पाहतायत. यामुळं बारबोले दिलीप सोपल आणि राजेंद्र राऊत यांचं टेन्शन वाढवणार का याकडे मतदारसंघातील जनतेचं लक्ष लागलं आहे.
देवेंद्र फडणवीस यांच्या हस्ते कोठी कोरनार पुलाचे उदघाटन; महाराष्ट्राच्या इतिहासात प्रथमच कुणी मंत्री पिपली बुरगीत गेले