पुणे : चांदणी चौकातील पुलाच्या उद्घाटनावरून भाजपमधील अंतर्गत गटबाजी मोठ्या प्रमाणात चव्हाट्यावर आली आहे. कोथरूडच्या माजी आमदार मेधा कुलकर्णी यांनी या कार्यक्रमात आपल्याला डावलले जात असल्याचा आरोप करत जाहीर नाराजी प्रगट केली होती. माझ्यावरील कुरघोडया, डावलणे याबद्दल मी कधी जाहीर वाच्यता केली नव्हती. विश्वासात न घेता अचानक निर्णय घेतले तेव्हाही. पण आता दुःख मावत नाही मनात. वाटले बोलावे तुमच्याशी. चांदणी चौक उद्घाटन कार्यक्रमाची कोथरूडमधील पत्रके पहिली आणि खूप वाईट वाटले, असे मेधा कुलकर्णी म्हणाल्या होत्या. त्यानंतर कोथरूडमधील भाजपच्या स्थानिक नेत्यांनी मेधा कुलकर्णी यांना चांगलंच सुनावलं आहे.
मेधा कुलकर्णी पक्षाची शिस्त मोडत असल्याची चर्चा कोथरुडमधील कार्यकर्त्यांमध्ये सुरु असून, भाजपा कोथरुड अध्यक्ष पुनीत जोशी यांनी व्हिडिओ प्रसारित करुन मेधा कुलकर्णींचे सर्व दावे फेटाळून लावले आहेत. पश्चिम पुण्याचे प्रवेशद्वार असलेल्या चांदणी चौकाचे १२ ऑगस्ट रोजी केंद्रीय मंत्री नितीनजी गडकरी आणि राज्याचे उपमुख्यमंत्री देवेंद्रजी फडणवीस व अजितदादा पवार यांच्या हस्ते लोकार्पण झाले. मात्र, या कार्यक्रमाच्या पूर्वसंध्येला कोथरुडच्या माजी आमदार मेधाताई कुलकर्णी यांनी फेसबुक पोस्ट लिहून चांदणी चौकाच्या उद्घाटन कार्यक्रमावरुन पक्षालाच घेरण्याचा प्रयत्न केला. मेधा कुलकर्णी यांच्या फेसबुक पोस्ट वरुन आता कोथरुड भाजपच्या कार्यकर्त्यांकडून नाराजी व्यक्त केली जात असून, पक्ष शिस्त सातत्याने मोडत असल्याची चर्चा कार्यकर्त्यांमध्ये सुरु आहे. या संदर्भात भाजपा कोथरुड मंडल अध्यक्ष पुनीत जोशी यांनी व्हिडिओ प्रसारित केला असून, मेधा कुलकर्णी यांचे सर्व दावे फेटाळून लावले आहेत.
काय म्हणाल्या होत्या मेधा कुलकर्णी ?
मेधा कुलकर्णी पक्षाची शिस्त मोडत असल्याची चर्चा कोथरुडमधील कार्यकर्त्यांमध्ये सुरु असून, भाजपा कोथरुड अध्यक्ष पुनीत जोशी यांनी व्हिडिओ प्रसारित करुन मेधा कुलकर्णींचे सर्व दावे फेटाळून लावले आहेत. पश्चिम पुण्याचे प्रवेशद्वार असलेल्या चांदणी चौकाचे १२ ऑगस्ट रोजी केंद्रीय मंत्री नितीनजी गडकरी आणि राज्याचे उपमुख्यमंत्री देवेंद्रजी फडणवीस व अजितदादा पवार यांच्या हस्ते लोकार्पण झाले. मात्र, या कार्यक्रमाच्या पूर्वसंध्येला कोथरुडच्या माजी आमदार मेधाताई कुलकर्णी यांनी फेसबुक पोस्ट लिहून चांदणी चौकाच्या उद्घाटन कार्यक्रमावरुन पक्षालाच घेरण्याचा प्रयत्न केला. मेधा कुलकर्णी यांच्या फेसबुक पोस्ट वरुन आता कोथरुड भाजपच्या कार्यकर्त्यांकडून नाराजी व्यक्त केली जात असून, पक्ष शिस्त सातत्याने मोडत असल्याची चर्चा कार्यकर्त्यांमध्ये सुरु आहे. या संदर्भात भाजपा कोथरुड मंडल अध्यक्ष पुनीत जोशी यांनी व्हिडिओ प्रसारित केला असून, मेधा कुलकर्णी यांचे सर्व दावे फेटाळून लावले आहेत.
पुनीत जोशी यांनी आपल्या व्हिडिओ मधून म्हटलं आहे की, “पुणेकरांसाठी बहुप्रतिक्षित असलेल्या चांदणी चौकातील पुलाचे उद्घाटन देशाचे वाहतूक मंत्री नितीनजी गडकरी यांच्या हस्ते १२ ऑगस्ट रोजी पार पडले. पण या ऐतिहासिक सोहळ्याबद्दल माजी आमदारांनी जाहीर नाराजी व्यक्त केली. साधे हँडबिलवर फोटो नाही हा त्यांचा आक्षेप होता पण याच वेळी शहरात २४० हॉर्डिंग्स वर यांचे फोटो होते, वृत्तपत्रातील जाहिरातीत यांचे फोटो होते.
विधानसभेला चंद्रकांतदादांसाठी सीट सोडली, मेधा कुलकर्णी पुणे लोकसभा पोटनिवडणुकीस उत्सुक
साधारण नाराजी असेल तर ती अशी जाहीर व्यक्त करायची नसते, ही पक्षाने आम्हाला दिलेली शिकवण आहे. पक्ष आधी नंतर आपण, हे आपल्या पक्षाचे विचार आहेत. ऐन कार्यक्रमाच्या आदल्या दिवशी तुम्ही असे व्यक्त होणे एक कार्यकर्ता म्हणून माझ्या मनाला पटले नाही म्हणून हा व्हिडीओ पोस्ट करतोय, अशी भावना पुनीत जोशी यांनी व्यक्त केली आहे.
काय म्हणाल्या होत्या मेधा कुलकर्णी ?
देशापुढील आव्हाने, त्यासाठी करायचे अपेक्षित संघटन सोडून, तसेच मा मोदीजींचे हात बळकट करण्यासाठी एकदिलाने कार्य करायचे सोडून, हे स्वतःच्या स्वार्थासाठी विघटनाचे, काटाकाटीचे राजकारण करत आहेत. माझ्या सारख्या निष्ठावान कार्यकर्तीला जाणीव झाली की माझी काही किंमत नाही आहे. माझ्याबाबत त्यांना असे करणे सोपे जाते. माझ्याकडे ना मसल पॉवर, ना मनी पॉवर. मी एका सामान्य कुटुंबातून आलेली, विचारधारा घरून निष्ठेने काम करणारी कार्यकर्ती आहे. एका वैचारिकतेतून राजकारणात प्रवेश केला. आणि अगदी मनापासून सर्व समाजातील लोकांची कामे केली. आजही जे सोपवले आहे ते करीतच आहे. त्यावर असा बोळा फिरवला जातो आहे हे आता मात्र असह्य होऊन गेले आहे, असे मेधा कुलकर्णी यांनी म्हटले होते.