शिवसेनेत फूट पडल्यानंतर दोन गट पडले आहेत. त्यामुळे युवा सेनेतील पदाधिकारीही विभागले गेले आहेत. त्यातच मनविसे, अभाविप यांनीही यंदा जोरदार तयारी केली आहे. मनविसे अमित ठाकरे यांच्या नेतृत्वाखाली ही निवडणूक लढवणार आहे. अमित यांनी सर्व जागांवर उमेदवार उभे करण्याचा निर्णय घेतला आहे. सर्व १० जागा जिंकून राज ठाकरे यांना विद्यार्थी सेनेकडून भेट देणार असल्याचे नुकतेच त्यांनी मनविसेच्या एका कार्यक्रमात जाहीर केले आहे. त्यातून मनविसे आक्रमकपणे या निवडणुकीत उतरण्याची चिन्हे आहेत. दुसरीकडे युवा सेना आदित्य ठाकरे यांच्या नेतृत्वाखाली ही निवडणूक लढविणार आहे. त्यामुळे शिवसेना (उद्धव बाळासाहेब ठाकरे) पक्षाच्या युवा सेनेसमोर या निवडणुकीत मागील निवडणुकीतील विजय कायम राखण्याचे आव्हान असेल.

२०१७च्या सिनेट निवडणुकीत पदवीधर मतदारसंघासाठी सुमारे ७० हजार मतदारांची नोंदणी झाली होती. यंदा ९४ हजार मतदारांनी नोंदणी केली आहे. यंदा मतदारांची नोंदणी वाढल्याने चुरस वाढण्याची चिन्हे आहेत.

असा आहे निवडणूक कार्यक्रम

– उमेदवारांना १८ ऑगस्टपर्यंत अर्ज भरता येणार
– उमेदवारी अर्ज २५ ऑगस्टपर्यंत माघारी घेता येणार
– निवडणुकीसाठी १० सप्टेंबरला मतदान
– मतमोजणी १३ सप्टेंबरला