सोलापूर: सोलापूर जिल्ह्यातील माढा तालुक्यातील लउळ येथे धक्कादायक घटना घडली आहे. राग अनावर झालेल्या नातवाने आजीला पेटवून तिचा खून केला आहे. शेतातील कामाचा मोबदला दिला नसल्याने नातवाने आजीचा खून केल्याची प्राथमिक माहिती समोर आली आहे. नातवाने ६५ वर्षीय आजीच्या अंगावर डिझेल टाकून तिला पेटवून दिल्याने आजीचा जळून मृत्यू झाला.
ही घटना माढा तालुक्यातील लऊळ येथे रविवारी सकाळी ८.३० ते ९.३० वाजण्याच्या दरम्यान पडली. कुर्डुवाडी पोलिस ठाण्यात कुलदीप संजय कोकाटे (रा. कोकाटे चांदगुडे वस्ती लऊळ) यांनी फिर्याद दाखल केली आहे. पोलिसांनी संशयित आरोपी हर्षद शंभूदेव शिंदे (वय २२) याला अटक केली आहे. शांताबाई पंढरीनाथ शिंदे (वय ६५ रा. भवर वस्ती लऊळ ता.माढा) असे मृत्यू झालेल्या आजीचे नाव आहे.
ही घटना माढा तालुक्यातील लऊळ येथे रविवारी सकाळी ८.३० ते ९.३० वाजण्याच्या दरम्यान पडली. कुर्डुवाडी पोलिस ठाण्यात कुलदीप संजय कोकाटे (रा. कोकाटे चांदगुडे वस्ती लऊळ) यांनी फिर्याद दाखल केली आहे. पोलिसांनी संशयित आरोपी हर्षद शंभूदेव शिंदे (वय २२) याला अटक केली आहे. शांताबाई पंढरीनाथ शिंदे (वय ६५ रा. भवर वस्ती लऊळ ता.माढा) असे मृत्यू झालेल्या आजीचे नाव आहे.
चिंचेच्या झाडाखाली म्हातारी आजी पेटलेली होती
गावातील ग्रामस्थ कुलदीप कोकाटे हे रविवारी सकाळी ८.३० वाजण्याच्या सुमारास गाईच्या धारा काढून दूध डेअरीवर घालण्यासाठी नेहमीप्रमाणे मोटारसायकलवर गावातील डेअरीला होते. दूध देऊन परत सकाळी ९.३० वाजण्याच्या सुमारास घराकडे जात असताना त्यांच्या घरासमोरील चिंचेच्या झाडाखाली मोठी आग लागलेली दिसली. कुलदीप कोकाटे हे मोटारसायकल रोडवर थांबवून काय झाले आहे, ते पाहण्यासाठी ते जवळ गेले असता शांताबाई शिंदे या पेटत असलेल्या दिसल्या. त्यावेळी त्याच ठिकाणी थोड्या अंतरावर कोकाटे यांच्या मामाचा मुलगा हर्षद संभुदेव शिंदे हा पळत जात असताना दिसला.
शेतातील सर्व काम हर्षद करत होता, त्याचा मोबदला दिला नसल्याचा राग
नातू हर्षद हा वृद्ध आजी शांताबाईकडे शेतातील सर्व कामे करत होता. गाई म्हशीचं दूध काढणे, डेअरीला दूध पोहोच करणे, शेतातील सर्व कामं हर्षद करत होता. या सर्व कामांचा मोबदला हर्षद आजीकडे मागत होता, त्यामुळे आजी आणि नातवात नेहमी वाद होत होते. घटना घडली त्यावेळी शांताबाई शिंदेच्या घराचे समोर स्टिलच्या बादल्या, पातेले, स्वयंपाकाचे साहित्य हे अस्ताव्यस्त पडलेले होते. जमिनीवर डिझेल पडले होते. कुलदीप कोकाटे यांनी हर्षदच्या आई-वडिलांना बोलावून घेतले. आरडाओरडा केल्याने आजूबाजुचे लोक जमा झाले, ग्रामस्थांच्या मदतीने वृद्ध शांताबाईंना लागलेली आग विझवण्यात आली.
२० मिनिटं, २ लिटर पाणी अन् महिलेनं आपला जीव गमावला, अशी चूक तुम्ही करु नका
डिझेल ओतून पेटवून दिल्याची तक्रार दाखल
हर्षदने म्हाताऱ्या आजी शांताबाई पंढरीनाथ शिंदे हिचे अंगावर डिझेल टाकून तिला पेटवून देवून जिवे ठार मारले आहे. हर्षद संभुदेव शिंदे याच्याविरुद्ध कुर्डवाडी पोलिस ठाण्यात तक्रार दाखल केली आहे. कुर्डुवाडी पोलिसांनी या घटनेचे माहिती मिळताच गांभीर्य लक्षात घेता त्वरित संशयित आरोपी हर्षद शिंदे यास अटक केली आहे. अधिक तपास सहाय्यक पोलीस निरीक्षक हनुमंत वाघमारे करीत आहेत.
नातवासाठी स्वयंपाक करत होती
आजी आपल्या पती आणि आरोपी नातवासाठी स्वयंपाक करत होती. नातवाने तिला चुलीसमोरुन ओढत बाजूला नेलं, मग तिच्या अंगावर डिझेल ओतले आणि नंतर वीस-तीस फुटांवर असणाऱ्या एका चिंचेच्या झाडाखाली नेऊन तिला पेटवून दिले. त्यात तिचा जागीच मृत्यू झाला. हे वास्तव चित्र पाहणाऱ्या ग्रामस्थांना अश्रू अनावर झाले होते. सोलापूर जिल्हा या घटनेमुळे सुन्न झाला आहे.