नागपूर: नागपूर शहरातील अजनी पोलिस स्टेशन अंतर्गत भागात मनाला हेलवणारी घटना समोर आली आहे. येथे तीन वर्षांपूर्वी आई-वडिलांच्या विरोधात जाऊन प्रेमविवाहकरणाऱ्या २२ वर्षीय तरुणीने गळफास घेऊन आत्महत्या केली आहे. सिमरन लक्ष्मण महाकाळे (२२, रा. रामटेके नगर) असे मृत तरुणीचे नाव आहे. शहरातील एका खासगी रुग्णालयात ती नर्स म्हणून काम करत होती. सिमरनने कुटुंबाच्या विरोधात जाऊन प्रेमविवाह केला होता. मात्र प्रेमविवाह यशस्वी न झाल्याने तिने राहत्या घरी गळफास घेऊन आत्महत्या केली.
पोलिसांकडून मिळालेल्या माहितीनुसार, सिमरन महाकाळे बेसा येथील पॅथॉलॉजी लॅबमध्ये काम करत होती. दरम्यान, तिची अक्षय नाकोसे नावाच्या तरुणाशी ओळख झाली. दोघांमध्ये प्रेमसंबंध निर्माण झाले. दोघांनी लग्न करण्याचा निर्णय घेतला. मात्र, घरच्यांचा त्यांच्या लग्नाला विरोध होता. त्यामुळेच सिमरन आणि अक्षयने घरच्यांचा विरोधात जाऊन लग्न केलं. लग्नानंतर सिमरनने नर्सिंग कोर्सला प्रवेश घेतला. त्यानंतर काही दिवसांनंतर तिचा पती तिच्यावर संशय घेऊ लागला. त्यामुळे तिचे आणि तिच्या पतीचे वाद सुरू झाले.
पोलिसांकडून मिळालेल्या माहितीनुसार, सिमरन महाकाळे बेसा येथील पॅथॉलॉजी लॅबमध्ये काम करत होती. दरम्यान, तिची अक्षय नाकोसे नावाच्या तरुणाशी ओळख झाली. दोघांमध्ये प्रेमसंबंध निर्माण झाले. दोघांनी लग्न करण्याचा निर्णय घेतला. मात्र, घरच्यांचा त्यांच्या लग्नाला विरोध होता. त्यामुळेच सिमरन आणि अक्षयने घरच्यांचा विरोधात जाऊन लग्न केलं. लग्नानंतर सिमरनने नर्सिंग कोर्सला प्रवेश घेतला. त्यानंतर काही दिवसांनंतर तिचा पती तिच्यावर संशय घेऊ लागला. त्यामुळे तिचे आणि तिच्या पतीचे वाद सुरू झाले.
चारित्र्यावर संशय घेऊन पती तिच्याशी मारहाण करत असल्याची तक्रार तिने तिच्या आईकडे केली होती. त्यानंतर ती घरी परतली. ती एकटीच राहू लागली. प्रेमविवाह टिकू न शकल्याने ती नैराश्यात गेली होती. त्यामुळे ती एकटीच राहू लागली. शुक्रवारी सायंकाळी सिमरनने राहत्या घरी पंख्याला ओढणीने गळफास घेऊन आत्महत्या केली. याप्रकरणी अजनी पोलिसांनी अकस्मात मृत्यूची नोंद केली असुन पुढील तपास सुरू केला आहे.