एनआयएने वृत्तसंस्थेला दिलेल्या माहितीनुसार, ‘नाचन हा केवळ आयईडी तयार करण्यासाठी प्रशिक्षण देत नव्हता तर अन्य आरोपींद्वारे दहशतवादासंबंधित कारवाईत सहभागी होता. त्यामध्ये बारुदवाला, मोहम्मद इम्रान खान, मोहम्मद युनुस साकी व अब्दुल कादिर पठाण यांचा समावेश आहे. या चौघांच्या सहकार्याने नाचन हा दहशतवादी कृत्यात सहभागी होता.’

Breaking News: चांद्रयान-३ने यशस्वीपणे चंद्राच्या कक्षेत प्रवेश केला, ‘इस्रो’ इतिहास घडवण्याच्या उंबरठ्यावर
या प्रकरणात महत्त्वाच्या अटकसत्रापासूनच नाचन हा एनआयएच्या लक्ष्यावर होता. त्याच्या शोधासाठी बोरिवली व भिवंडीत विविध छापे टाकण्यात आले. त्यात विविध डिजिटल उपकरणे व दस्तावेज जप्त करण्यात आले. त्याआधारे नाचन तपासाची व्याप्ती वाढवत आकिफ नाचनला शनिवार, ५ ऑगस्टला अटक करण्यात आली. त्याची अटक या प्रकरणातील महत्त्वाची कारवाई मानली जात आहे.