म. टा. प्रतिनिधी, मुंबई : आयआरसीटीसीचे अॅप डाऊनलोड करण्यासाठी बाजारात बनावट लिंक व्हायरल होत आहे. लिंकच्या माध्यमातून प्रवाशांची फसवणूक करण्यात येत असून त्यावर क्लिक केल्यास खात्यांतील पैसे काढून घेण्यात येत आहेत. यामुळे प्रवाशांनी अॅप डाऊनलोड करण्यासाठी कोणत्याही लिंकचा वापर करू नये, असे आवाहन केले आहे.
‘आयआरसीटीसी रेल कनेक्ट’ मोबाइल अॅप डाऊनलोड करण्यासाठी बनावट मोबाइल फिशिंग लिंक तयार करून त्या व्हायरल झाल्या आहेत. लिंकवर क्लिक केल्यास प्रवाशांची आर्थिक फसवणूक करण्यात येत असल्याच्या घटना समोर आल्या आहेत. यामुळे नागरिकांनी आणि रेल्वे प्रवाशांनी अॅपसाठी लिंकचा वापर करू नये. केवळ गुगल प्ले स्टोअर आणि अॅपल अॅप स्टोअरवरूनच आयआरसीटीसी रेल कनेक्ट मोबाइल अॅप वापरावेत. अधिक माहितीसाठी नागरिकांनी आयआरसीटीसीच्या अधिकृत संकेतस्थळाला आणि अॅपबाबत अडचणी सोडवण्यासाठी आयआरसीटीसी कस्टमर केअरशी संपर्क साधावा. प्रवाशांनी सतर्क राहावे, अशी माहिती आयआरसीटीसीने अधिकृत ट्विटर हँडलवरून दिली आहे.
मनी लॉंन्ड्रिंगची भीती दाखवत बॅंक अधिकाऱ्याची २० लाखांची फसवणूक; ठाण्यातील घटनेनं बॅंकिंग क्षेत्रात खळबळ