पिंपरी: पिंपरी-चिंचवड परिसरात गुन्हेगारी दिवसेंदिवस वाढ होत चालल्याचे चित्र पाहायला मिळत आहे. त्यातच भोसरी परिसरातून एक धक्कादायक घटना समोर आली आहे. जवळच्या मित्राने मित्राची दगडाने ठेचून हत्या केल्याची माहिती समोर आली आहे. तसेच, मित्रांची दारू पार्टी सुरू असताना मला तुझे रक्त प्यायचे आहे असे म्हणत मित्राच्या मानेचा चावा घेतला आहे. बदला घेण्याच्या हेतूने त्याने ही हत्या केल्याची माहिती समोर आली आहे.
इस्ताक इमानुल खान (वय २६) असे खून झालेल्या तरुणाचे नाव असून राहुल अप्पासाहेब लोहार (वय २४) असे आरोपीचे नाव आहे. ही घटना बुधवारी रात्री साडे अकराच्या सुमारास घडली आहे. या प्रकरणी बिजनाबी खान यांनी भोसरी एमआयडीसी पोलिसात फिर्याद दिली आहे.
इस्ताक इमानुल खान (वय २६) असे खून झालेल्या तरुणाचे नाव असून राहुल अप्पासाहेब लोहार (वय २४) असे आरोपीचे नाव आहे. ही घटना बुधवारी रात्री साडे अकराच्या सुमारास घडली आहे. या प्रकरणी बिजनाबी खान यांनी भोसरी एमआयडीसी पोलिसात फिर्याद दिली आहे.
याबाबत अधिक माहिती अशी की, बुधवारी रात्री इस्ताक खान आणि राहुल लोहार आणि त्याचे दोन मित्र पार्टीसाठी बसले होते. त्यावेळी इस्ताक खान हा राहुल याला म्हणाला की, मला तुझे रक्त प्यायचे आहे, असे म्हणत त्याने त्याच्या मानेचा जोरात चावा घेतला. राहुल त्यातून सुटका करून घेत तिथून निघून गेला.
मात्र या गोष्टीचा राहुलच्या मनात राग होता. त्यानंतर राहुल लोहार हा त्याच्या मित्रासोबत इस्ताक खान आणि त्याचा मित्र एका ओट्यावर झोपला असताना रात्री साडेअकराच्या सुमारास तिथे आला. तू माझं रक्त पिणार तर मी तुला सोडणार नाही, असं म्हणत शेजारी पडलेला मोठा दगड इस्ताकच्या
डोक्यात घालून त्याचा खून केला.
घटनेची माहिती मिळताच भोसरी एमआयडीसी पोलिसांनी आरोपीचा शोध घेत त्याला अटक केली आहे. या घटनेने परिसरात एकच खळबळ उडाली होती. सध्या या घटनेचा तपास सुरु आहे.
तीन अटी आणि २३ व्या वर्षी तरुण कोट्यधीश झाला, कोटींचा व्यवसाय अन् विलासी आयुष्य…