ठाणे : क्लासवरून घरी परतणाऱ्या एका अल्पवयीन विद्यार्थिनीवर दिवसाढवळ्या एका सराईत गुन्हेगाराने बलात्काराचा प्रयत्न केल्याची धक्कादायक घटना कल्याण पूर्व परिसरातील चक्की नाका परिसरात बुधवारी संध्याकाळी घडली. या प्रकरणी आरोपी विशाल गवळी याला कोळसेवाडी पोलिसांनी बेड्या ठोकल्या आहेत. मात्र संध्याकाळी साडेपाच वाजता वर्दळीच्या परिसरात मुलीवर अतिप्रसंग होत असताना कोणीही मदतीसाठी पुढे कसे आले नाही, याबाबत आश्चर्य व्यक्त केले जात आहे.

एक अल्पवयीन विद्यार्थिनी बुधवारी संध्याकाळी साडेपाच वाजता क्लासवरून घरी परत येत असताना सराईत गुन्हेगार असलेल्या विशाल याने या मुलीचा स्कूटीने पाठलाग केला. त्याने तिला पकडून एका कोपऱ्यात ओढत नेले. तिचे तोंड दाबून तिला खाली पाडले आणि तिच्यावर अत्याचार करण्याचा प्रयत्न केला. या विद्यार्थिनीने मदतीसाठी आरडाओरडा करूनही कोणीही मदतीसाठी धावून न आल्याने तिनेच नखांनी ओरबाडून तसेच, त्याला लाथा मारून स्वत:ची कशीबशी सुटका करून घेत घर गाठले.

गर्वाचे घर खाली… पहिल्याच टी-२० मध्ये भारताला पराभवाचा धक्का, वेस्ट इंडिजचा दमदार विजय
त्यानंतर पालकांच्या मदतीने तिने कोळसेवाडी पोलीस ठाण्यात त्याच्याविरोधात गुन्हा दाखल केला. पोलिसांनी घटनेचे गांभीर्य ओळखून तातडीने आरोपी विशाल गवळीला अटक केली. विशाल गवळी याच्या विरोधात याआधीही बलात्कार व पोक्सोअंतर्गत गुन्हे दाखल असून त्याच्यावर पोलिसांनी तडिपारीची कारवाईही केली होती.

हरिश्चंद्रगडावर ६ तरुण भरकटले; पावसामुळे थंडीने गारठले, एकाचा दुर्दैवी अंत