कुख्यात गुंडाचा भाजपमध्ये प्रवेश; पोलिसांनी भर बाजारात काढली होती धिंड, कोण आहे अज्जू ठाकूर?

या प्रकरणावर देवेंद्र फडणवीस म्हणाले…

हे प्रकरण अत्यंत गंभीर आहे, याचा सखोल तपास केला जाईल. चौकशी दरम्यान पोलीस कर्मचारी शेगोकार यांनी असे उद्गार काढले असणार तर त्याच्यावर योग्य ती कारवाई केली जाईल. पूर्वी तीन वेळा तक्रार करूनही पातुर पोलिसांनी या प्रकरणात कारवाई केली नसेल तर त्या पोलिसांवरही कारवाई केली जाईल. या संपूर्ण प्रकरणात विशेष सरकारी वकील दिला जाईल आणि पीडित मुलीच्या कुटुंबीयांना आर्थिक मदतीही दिली जाईल, असं आश्वासन गृहमंत्री देवेंद्र फडणवीस यांनी सभागृहात दिले.

काय होतं नेमकं प्रकरण?

किरण अर्जुन बळकर (वय १९ राहणार शिर्ला फाटा खदान, ता. पातुर, जि. अकोला) ही २७ जुलैच्या रात्री शौचालयाला जाते म्हणून घरून निघून गेली होती. त्यानंतर ती घरी परतलीच नाही. परिसरात तिचा शोध घेण्यात आला. मात्र कुटुंबीयांना तिचा कुठलाही सुगावा लागला नाही. अखेर कुटुंबीयांनी ती बेपत्ता असलेली तक्रार पातुर पोलिसात केली. परंतु २९ जुलैला पातुर येथील सुमित्राबाई अंधारे कृषी विद्यालयाजवळील शेत शिवारात जाणाऱ्या पांदन रस्त्यालगत असलेल्या एका काटेरी झुडपात किरणचा मृतदेह आढळून आला. त्यानंतर पातुर पोलीस स्टेशनचे पोलीस निरीक्षक किशोर शेळके स्थानिक गुन्हे शाखेचे पोलीस निरीक्षक शंकर शेळके एसडीपीओ गोकुळ राजसह इतर अधिकाऱ्यांनी घटनास्थळी भेट दिली. या ठिकाणी किरण बळकर या तरुणीचा हात आणि गळा ओढणीने बांधलेल्या अवस्थेत मृतदेह दिसून आला. आधी गळा आवळला नंतर तिचे हात बांधण्यात आले. आता वैद्यकीय अहवालानंतरच सर्व बाबी स्पष्ट होईल, असेही पोलीस सांगतात. दरम्यान किरणच्या मृत्यूच्या घटनेचे जिल्हाभरात पडसाद उमटायला सुरुवात झाली. ठिकठिकाणी सामाजिक संघटनेकडून निषेध व्यक्त केला जातो. वरिष्ठ पोलीस अधिकाऱ्यांसह जिल्हाधिकाऱ्यांनी पीडित मुलीच्या कुटुंबीयांची भेट घेतली आहे.

किरणच्या हत्या प्रकरणात एकाला अटक

आरोपी गजानन बळकर याचे किरणच्या कुटुंबीयांसोबत वाद असल्याचे समोर आले. सद्यस्थितीत पोलिसांना गजानन याच्यावर संशय असल्याने त्याला ताब्यात घेण्यात आले. तरी या प्रकरणाचा पुढील तपास सुरू आहे. आता अकोला पोलिसांनी हे प्रकरण अत्यंत गांभीर्यानं घेतलं आहे. किरणच्या हत्ये मागील नेमकं कारण काय? या सर्व गोष्टींचा तपासही पातुर पोलीस करत आहेत.