अवघ्या ४ तरुणांमधील हा प्रकार आजूबाजूच्या दुकानातील लोकांनाही समजला नाही. प्रत्यक्षदर्शींच्या म्हणण्यानुसार ही संपूर्ण घटना काही सेकंदात घडली. १.१५ कोटी लुटल्याची बातमी कुरिअर कंपनीपर्यंत पोहोचताच एकच खळबळ उडाली. नंतर या घटनेची माहिती पोलिसांना देण्यात आली. लकडगंज पोलीस लगेच घटनास्थळी पोहोचले. तातडीने परिसरात लावण्यात आलेल्या सीसीटीव्ही कॅमेऱ्यांची तपासणी सुरू करण्यात आली. दरम्यान, ही संपूर्ण घटना सीसीटीव्ही कॅमेऱ्यात कैद झाली आहे. पोलिसांनी तात्काळ कॅमेरा रेकॉर्डिंग ताब्यात घेऊन आरोपींचा शोध सुरू केला. ही हवालाची रक्कम असू शकते, अशी चर्चा आहे. दरोडेखोरांना ही रक्कम आधीच माहीत होती, असेही बोलले जात आहे. सध्या कंपनीतील इतर लोकांची चौकशी सुरू आहे.