शशी नारायण सोनी (वय ५०, रा. रामेश्वरी) यांचे सिद्धेश्वर चौकात सुभद्रा ज्वेलर्स आहे. रविवारी रात्री दुकान बंद करून त्या मोपेडने घरी जात होत्या. त्यांच्याजवळ सोन्याचांदीचे दागिने व २५ हजारांची रोख असलेली पिशवी होती. घराजवळ पोहोचताच मागाहून मोपेडवर ट्रिपलसीट आलेल्या लुटारूंपैकी एकाने त्यांच्या डोळ्यात मिरचीपूड फेकली. दुसऱ्याने पिस्तुलाचा धाक दाखवून ठार मारण्याची धमकी दिली. अन्य एका लुटारूने त्यांच्याजवळील सहा लाखांचे दागिने व रोख असलेली पिशवी हिसकावली. तिघेही मोपेडने पसार झाले. सोनी यांनी तातडीने पोलिस ठाणे गाठून तक्रार नोंदविली. याप्रकरणी अजनी पेालिसांनी जबरी चोरीचा गुन्हा दाखल करून लुटारूंचा शोध सुरू केला आहे. ऐन वर्दळीच्या ठिकाणी घडलेल्या या घटनेमुळे दहशत निर्माण झाली आहे.
मोठी बहिण रागावल्याने तिघींनी उंबरा ओलांडला; आई-वडिलांचा जीव टांगणीला, नंतर घडलं असं…