म. टा. प्रतिनिधी, मुंबई : राज्यात सर्वाधिक वापरल्या जाणाऱ्या मुंबई-पुणे द्रुतगती मार्गावरील वाहतूककोंडी फोडण्यासाठी चाकोरीबाह्य उपाय करण्याची गरज असल्याचे मत वाहतूकतज्ज्ञ वारंवार व्यक्त करतात. याअंतर्गत वाहतूककोंडी फोडण्यासाठी काढून टाकण्याजोगे अर्थात लवचिक दुभाजक बसवल्यास वाहनचालकांना संकटसमयी मोठा दिलासा मिळू शकेल, असे त्यांचे म्हणणे आहे.
सलग सुट्ट्यांच्या दिवशी आणि शनिवार-रविवारी वाहनांची संख्या जास्त असल्याने द्रुतगती मार्गावर प्रचंड कोंडी होते. पावसाळ्यात धो-धो कोसळणारा पाऊस, खालावलेली दृश्यमानता आणि दरडींचा धोका यांमुळे या मार्गावर लांबलचक रांगा लागतात. याचवेळी दुसरी मार्गिका मात्र रिकामी असते. सध्या द्रुतगती मार्गावर लांबलचक दुभाजक असल्याने कोंडीतील वाहनांना रिकाम्या मार्गावर जाण्याचा पर्याय नसतो. अशा वाहनकोंडीत रुग्णवाहिका अडकल्यास रुग्ण दगावण्याची भीती असते.
मुंबई-पुणे द्रुतगती मार्गावर ९४ किमीचा पट्टा प्रवेशनियंत्रित आहे. दोन टोलनाक्यांसह एकूण सहा ठिकाणी ‘यू टर्न’ घेण्यासाठी व्यवस्था आहे. सामान्यपणे द्रुतगती मार्गावर वाहने एकाच दिशेत वेगाने धावणे अपेक्षित असते. यामुळे ‘यू टर्न’साठी अधिक जागा उपलब्ध केल्यास गैरवापर होऊन अपघाताची तीव्रता वाढू शकते. मात्र याकामी वाहतूककोंडी फोडण्यासाठी काढून टाकण्याजोगे दुभाजक फायदेशीर ठरू शकतील. अर्थात, या योजनेच्या अंमलबजावणीसाठी अन्य यंत्रणांशी समन्वय साधून निर्णय घेणे योग्य ठरेल, असे परिवहन विभागाचे म्हणणे आहे.
Mumbai-Pune Expressway: १०० कोटींची माती झाली, मुंबई-पुणे एक्स्प्रेस वेवर दरड कोसळली, निकृष्ट जाळ्यांमुळे घात
पावसाळ्यात संभाव्य दुर्घटना टाळण्यासाठी ब्लॉक घेऊन सैल झालेले दगड पाडण्यात येतात. याची पूर्वसूचना वाहनचालकांना देण्यात येते. कोंडी फोडण्यासाठी तंत्रज्ञानाच्या मदतीने नवे उपाय शोधण्यासाठी राज्य रस्ते विकास महामंडळ कायम आग्रही आहे. मात्र ते राबविण्यापूर्वी त्याची व्यवहार्यता तपासून घेऊनच पुढील कार्यवाही करण्यात येणार आहे, अशी भूमिका रस्ते विकास महामंडळाने मांडली आहे.
सलग सुट्ट्यांच्या दिवशी आणि शनिवार-रविवारी वाहनांची संख्या जास्त असल्याने द्रुतगती मार्गावर प्रचंड कोंडी होते. पावसाळ्यात धो-धो कोसळणारा पाऊस, खालावलेली दृश्यमानता आणि दरडींचा धोका यांमुळे या मार्गावर लांबलचक रांगा लागतात. याचवेळी दुसरी मार्गिका मात्र रिकामी असते. सध्या द्रुतगती मार्गावर लांबलचक दुभाजक असल्याने कोंडीतील वाहनांना रिकाम्या मार्गावर जाण्याचा पर्याय नसतो. अशा वाहनकोंडीत रुग्णवाहिका अडकल्यास रुग्ण दगावण्याची भीती असते.
मुंबई-पुणे द्रुतगती मार्गावर ९४ किमीचा पट्टा प्रवेशनियंत्रित आहे. दोन टोलनाक्यांसह एकूण सहा ठिकाणी ‘यू टर्न’ घेण्यासाठी व्यवस्था आहे. सामान्यपणे द्रुतगती मार्गावर वाहने एकाच दिशेत वेगाने धावणे अपेक्षित असते. यामुळे ‘यू टर्न’साठी अधिक जागा उपलब्ध केल्यास गैरवापर होऊन अपघाताची तीव्रता वाढू शकते. मात्र याकामी वाहतूककोंडी फोडण्यासाठी काढून टाकण्याजोगे दुभाजक फायदेशीर ठरू शकतील. अर्थात, या योजनेच्या अंमलबजावणीसाठी अन्य यंत्रणांशी समन्वय साधून निर्णय घेणे योग्य ठरेल, असे परिवहन विभागाचे म्हणणे आहे.
Mumbai-Pune Expressway: १०० कोटींची माती झाली, मुंबई-पुणे एक्स्प्रेस वेवर दरड कोसळली, निकृष्ट जाळ्यांमुळे घातपावसाळ्यात संभाव्य दुर्घटना टाळण्यासाठी ब्लॉक घेऊन सैल झालेले दगड पाडण्यात येतात. याची पूर्वसूचना वाहनचालकांना देण्यात येते. कोंडी फोडण्यासाठी तंत्रज्ञानाच्या मदतीने नवे उपाय शोधण्यासाठी राज्य रस्ते विकास महामंडळ कायम आग्रही आहे. मात्र ते राबविण्यापूर्वी त्याची व्यवहार्यता तपासून घेऊनच पुढील कार्यवाही करण्यात येणार आहे, अशी भूमिका रस्ते विकास महामंडळाने मांडली आहे.
मुंबई-पुणे द्रुतगती मार्गावर वीकेंडला किंवा सुट्टीच्या दिवशी वाहतुकीचा खोळंबा होत असल्याचा अनुभव येतो. अन्यथा वाहतूक सुरळीत असते. कोणत्याही कारणास्तव अशी परिस्थिती उद्भवल्यास, रहदारी सुलभ करण्यासाठी व गरजेनुसार आवश्यक ते निर्णय त्वरित घेण्यासाठी आमचे कर्मचारी नेहमी सतर्क आणि तत्पर असतात. जास्त विलंब टाळण्यासाठी वाहतूक शिस्तीचे काटेकोरपणे पालन करणेदेखील आवश्यक आहे.
– प्रवक्ता, आयआरबी, एमपी एक्स्प्रेस वे प्रायव्हेट लिमिटेड