रायगड: कोकणात मंगळवारपासून मुसळधार पाऊस सुरू झाला आहे त्यामुळे कोकणातील पुराचा धोका असलेल्या महार चिपळूण खेड येथील नागरिकांना सावधानतेचा इशारा देण्यात आला आहे. जगबुडी नदीने धोक्याची पातळी ओलांडली आहे ७.५० मीटर वरून ती सध्या वाहत आहे. तर महाड येथील सावित्री नदीनेही इशारा पातळी ओलांडली असून रायगडमधील पाताळगंगा, कुंडलिका, आंबा नदी या नद्या इशारा पातळीच्या वर आहेत. महाड नगरपरिषदेने सकाळी सहा वाजता भोंगा वाजवून पहिला अलर्ट दिला आहे. महाबळेश्वर प्रतापगड परिसरात रात्रीपासून मुसळधार पाऊस सुरू आहे. कोकणातही पावसाचा जोर अद्याप कायम आहे. हवामान विभागाकडूनही रेड अलर्ट जारी करण्यात आला आहे. एकंदरीत पावसाचा जोर कायम राहिल्यास महाड आणि खेड पुन्हा एकदा पुराच्या उंबरठ्यावर आहे. चिपळूण शहर परिसरात परिस्थिती पूर्णपणे नियंत्रणात असून चिपळूण प्रशासन सज्ज आहे.
खेड नगर परिषदेच्या मुख्याधिकारी हर्षल राणे, चिपळूणचे मुख्याधिकारी प्रसाद शिंगटे तर महाडचे मुख्याधिकारी महादेव रोडगे हे प्रशासन आणि शहरावर लक्ष ठेवून आहेत. आपत्कालीन विभागही सज्ज झाले आहेत. खेड व महाड येथे NDRF टीम दोन दिवसांपूर्वीच दाखल झाले आहेत. रत्नागिरी आणि रायगड जिल्ह्यात या टीम कार्यरत राहणार आहेत. खेड नगरपरिषदेकडूनही सावधानतेचा इशारा देण्यात आला आहे. खेड बाजारपेठेतील मच्छी मार्केटपर्यंत पाणी आले आहे. महाबळेश्वरच्या सह्याद्री खोऱ्यात मुसळधार पाऊस सुरू असल्याने कोकणातील नद्यांच्या पातळीत मोठी वाढ झाली आहे. दरम्यान पावसाचा जोर असाच काय राहिल्यास आज दुपारी एकच्या दरम्यान मोठी भरती असल्याने पुराचा धोका महाड व खेड या दोन्ही शहरांना बसण्याची शक्यता आहे. यामुळे प्रशासनाने सगळी जय्यत तयारी ठेवली आहे. महाड तालुक्यात जोरात पाऊस सुरू असून सखल भागात पाणी शिरले आहे.
खेड नगर परिषदेच्या मुख्याधिकारी हर्षल राणे, चिपळूणचे मुख्याधिकारी प्रसाद शिंगटे तर महाडचे मुख्याधिकारी महादेव रोडगे हे प्रशासन आणि शहरावर लक्ष ठेवून आहेत. आपत्कालीन विभागही सज्ज झाले आहेत. खेड व महाड येथे NDRF टीम दोन दिवसांपूर्वीच दाखल झाले आहेत. रत्नागिरी आणि रायगड जिल्ह्यात या टीम कार्यरत राहणार आहेत. खेड नगरपरिषदेकडूनही सावधानतेचा इशारा देण्यात आला आहे. खेड बाजारपेठेतील मच्छी मार्केटपर्यंत पाणी आले आहे. महाबळेश्वरच्या सह्याद्री खोऱ्यात मुसळधार पाऊस सुरू असल्याने कोकणातील नद्यांच्या पातळीत मोठी वाढ झाली आहे. दरम्यान पावसाचा जोर असाच काय राहिल्यास आज दुपारी एकच्या दरम्यान मोठी भरती असल्याने पुराचा धोका महाड व खेड या दोन्ही शहरांना बसण्याची शक्यता आहे. यामुळे प्रशासनाने सगळी जय्यत तयारी ठेवली आहे. महाड तालुक्यात जोरात पाऊस सुरू असून सखल भागात पाणी शिरले आहे.
महापुराचं शहर असलेल्या आणि पावसाळ्यात अनेकदा पुराचा धोका राहिलेल्या चिपळूण शहरातील वाशिष्ठी नदी रात्री उशिरापासून इशारा पातळी जवळून वाहत आहे. ४.५०मीटर वर आहे इशारा पातळी ५ मीटर असून धोकादायक पातळी ७ मीटर आहे.चिपळूण पोलीस प्रशासनाकडून नागरिकांना सावधानतेचा इशारा दिला आहे. चिपळूण शहरात जोरदार पाऊस सुरू, वाशिष्टी नदीने ओलांडली इशारा, चिपळूण शिवनदीने ओलांडली धोक्याची पातळी चिपळूण पोलीस प्रशासनाकडून नागरिकांना सतर्कतेचा इशारा दिला आहे. चिपळूण प्रशासन अलर्ट मोडवर आहे.शिवनदी पूल फरशी बाजारपेठ पादचाऱ्यांसाठीही केला बंद करण्यात आला आहे. धोका वाढल्याने चिपळूण पोलीस प्रशासनाचे मध्यरात्री महत्वाचे आवाहन करत नागरिकांनी कामाशिवाय बाहेर पडू नये असे आवाहन चिपळूणचे पोलीस निरीक्षक रवींद्र शिंदे यांनी केला आहे. चिपळूण तालुका प्रशासन या सगळ्यावरती बारीक लक्ष ठेवून आहे.
खेड शहरालाही पुराचा धोका असून जगबुडीने ओलांडली धोक्याची पातळी आज दुपारी एकच्या दरम्यान मोठी भरती असल्याने पुराचा धोका महाड आणि खेड या दोन्ही शहरांना बसण्याची शक्यता मोठी आहे. खेडमधील जगबुडी नदीने धोक्याची पातळी ओलांडून सद्यस्थितीत ७.५० मीटर अंतरावरून पाणी वाहत आहे. या नदीची ७ मीटर ही धोक्याची पातळी आहे त्यामूळे खेड आणि महाड शहर पुन्हा एकदा पुराच्या उंबरठ्यावर आहे. चिपळुणात वाशिष्ठी इशारा पातळीजवळ आहे पोलीस आणि प्रशासनाने सावधानतेचा इशारा दिला आहे.